Bala kútimine beriletin járdemaqy artty

1 qańtardan bastap analarǵa bala kútimine baılanysty beriletin járdemaqy mólsheri ósedi, dep jazdy qandastar.kz

«Balaly otbasylarǵa beriletin memlekettik járdemaqylar týraly» QR zańyna sáıkes, jumys istemeıtin áıelder úshin bala 1,5 jasqa tolǵanǵa deıin onyń kútimine baılanysty aı saıynǵy memlekettik járdemaqynyń mólsheri mynadaı mólsherlerde belgilengen:

1-shi balaǵa — 5,76 aılyq eseptik kórsetkish;

2-shi balaǵa — 6,81 aılyq eseptik kórsetkish;

3-shi balaǵa — 7,85 aılyq eseptik kórsetkish;

4-shi jáne odan keıingi balaǵa 8,9 aılyq eseptik kórsetkish mólsherinde.

1 qańtardan bastap elimizde aılyq eseptik kórsetkish (AEK) 3692 teńgeden 3932 teńgege deıin kóbeıtildi. Soǵan saı, 2025 jylǵy tólem bylaı belgilendi:

1-shi balaǵa — 22 649 teńge (2024 jyly — 21 266 teńge);

2-shi balaǵa — 26 777 teńge (2024 jyly — 25 143 teńge);

3-shi balaǵa — 30 867 teńge (2024 jyly — 28 982 teńge);

4-shi jáne odan keıingi náresteler úshin — 34 995 teńge (2024 jyly — 32 859 teńge).

Odan bólek bosanǵan anaǵa beriletin bir rettik járdemaqy — súıinshipul bar. Bıyl birinshi, ekinshi jáne úshinshi balaǵa 149 416 teńge (38 AEK), tórtinshi jáne odan keıingi balalarǵa 247 716 teńge (63 AEK) súıinshipul tólenedi.

Dekretke shyqqanǵa deıin jumys istegen áıelder úshin birjolǵy áleýmettik tólem mólsheri sońǵy 12 aıdaǵy ortasha aılyq tabysyna baılanysty esepteledi. Ortasha aılyq tabysty eńbekke jaramsyzdyq kúnderi sanynyń tıisti koeffııentine kóbeıtedi. Koeffııent 4,2-ge teń. Keıin shyqqan somadan 10 paıyz zeınetaqy jarnasyn alyp tastaıdy.