Jańalyqtar
Bala satý oqıǵalaryna perzenthanalar men balalar úıiniń de qatysy bar – IIM
Foto: DALL-E
ASTANA. KAZINFORM – bıyl elimizde bala satýǵa qatysty 6 fakti tirkeldi. Bul týraly Ishki ister mınıstriniń birinshi orynbasary Marat Qojaev aıtty.
«О́kinishke qaraı, mundaı statıstıka bar. О́tken jyly bala satý boıynsha 19 qylmystyq is tirkelse, bıyldyń ózinde 6 fakti boldy. Negizinen balalar elimizdiń ishinde satylady. Qandaı da bir fızıologııalyq erekshelikterine baılanysty balaly bola almaıtyn adamdar bar. Bul suranysty qanaǵattandyratyn adamdar da tabylady», – dedi ol Senattyń jalpy otyrysy aıasynda BAQ ókilderiniń saýalyna oraı.
Onyń atap ótýinshe, bala satý faktilerine perzenthanalardyń, balalar úıleri qyzmetkerleriniń jáne qalaýynsyz júkti bolǵan adamdardyń qatysy bar. Sonymen qatar ol bala satqandarǵa qatań jaza qoldanylatynyn aıtty.
«Jaza óte qatań. Balalardy satqany úshin 18 jylǵa deıin bas bostandyǵynan aırylylady», – dedi Marat Qojaev.
