«Bala-shaǵasymen shubyryp jataqhanada júr»: Aınur Tursynbaeva kedeılikke qatysty qaǵıdalaryn bólisti

Foto: jeke qorynan

Tanymal aıtysker aqyn, koých-psıholog Aınur Tursynbaeva kedeı bolyp ómir súrýdiń sebebin anyqtady. Bul týraly qandastar.kz Stan.kz aqparat agenttigine silteme jasap habarlaıdy.

Psıhologııa salasynyń mamany aqshanyń kelý jolyn jabatyn birneshe sebepti jipke tizdi.

“Adam kóp jaǵdaıda ózine keletin nesibeniń jolyn ózi jabady. Aýyzdan shyqqan árbir sóz sizdiń óz ómirińizge jasalynatyn baǵdarlama. Al biz sol baǵdarlamany kishkentaıymyzdan durys qoımaımyz. Mysaly, úıge qonaq kelip, sizdiń balańyzǵa aqsha ustatty. Siz birden: «alma, uıat bolady» deısiz. Ol qonaqtan emes, joǵarydan berilgen aqsha negizi, siz ony alǵyńyz kelse de uıalasyz! Balamyzdyń ózi bireý aqsha berse «raqmet» deı salmaıdy, «joq, kerek emes» dep bezildep turady. Iaǵnı, blok qoıyp, aqshanyń kelý jolyn jabady. Odan keıin sizge bireý qymbat syılyq jasasa, birden basqa adamǵa syılap jiberemiz. Tipti, «nesine áýre boldyń, qymbat qoı» dep sóılep qalamyz. Iaǵnı, joǵaryǵa «mundaı qymbat syılyqqa men laıyq emespin» degen sıgnal jiberemiz. Jaqsy býket syılansa «kimniń týǵan kúni» dep jantalasamyz. Bosqa solyp qalady dep syılap jiberemiz. “Birneshe mıllıon tabys tabýǵa bolady» deseń «oı, maǵan 100 myń jetedi» dep kúrsinetinder de bar. Taǵy da qate programma! Maǵan kóp aqsha jiberme, Allam» degen sıgnal tóbeńizde janyp tur”, – dep jazdy aıtysker aqyn.

Odan keıin úısiz júrgen otbasylardyń ómirin de mysalǵa keltirip, jataqhanada turyp jatý sebebin túsindirdi.

“Bireýlermen baspana týraly sóılese qalsaq «1 jataqxana nemese 1 bólme úı alsaq jetedi» dep qashqaqtap shyǵady. Araǵa biraz ýaqyt salyp, qalaǵan jataqhanasyna qol jetkizedi. Sebebi Alla taǵala esh pendesiniń suraǵanyn bermeı qoımaǵan. Sóıtip balaly-shaǵaly bolsa da sol jataqxanada shubyryp júre beredi. Qymbat dúkenniń qasynan ótip bara jatsaq ólip ketsek te kirmeımiz. “Qursyn, ýdaı qymbat! Ondaı aqsha qaıdan bolsyn mende! Aqsham bolsa da mundaıdy kımeımin» dep shalqaıyp shyǵa kelemiz. Dál osy jerde tartylys zańynyń betin qaıtaramyz. Adam ne aıtsa, ne jasasa sony tartady. Kez kelgen unaǵan zatty «ózimdiki» dep qabyldap úırenińiz”, – dep keńes berdi psıholog-koých.

Eske salaıyq, Aınur Tursynbaeva 100 mıllıonnan asa qarjy jumsap, oqys oqıǵaǵa tap bolǵanyn jazǵan edik.