Balabaqsha tárbıeshisi balanyń qolyn shyǵaryp jibergen

Foto: ashyq derekkóz

Mańǵystaý oblysynda bir jasar qyzdy julqylap, qolyn shyǵaryp alǵan tárbıeshi jumystan qýyldy. Bóbekjaı qyzmetkeri búldirshinniń qolyn shyǵaryp alǵan soń, alǵashqy medıınalyq kómek te kórsetpegen. Balanyń jaraqat alǵanyn ata-anasy úıine kelgende bir-aq bilipti, dep jazady qandastar.kz

Munaıly aýdanyndaǵy jekemenshik balabaqshada qyz qolyn shyǵaryp aldy. Ata-ana beınebaqylaý kamerasyn teksergen kezde tárbıeshiniń tynysh júrgen qyzdyń qolynan tartyp kóterip, oryndyqqa otyrǵyzyp jatqanyn baıqaǵan. Biraq qyz jylamapty. Tek úıge barǵanda qolynyń aýyryp turǵanyn aıtqan.

Beınejazbany kórý barysynda qyzmetkerdiń gıgıena talaptaryn saqtamaı, eki ydysqa quıylǵan sorpany bir qasyqpen 8 balaǵa bergeni anyqtaldy. Osy jaıttardan keıin tárbıeshiniń kómekshisi de jumystan bosatyldy. Mektepke deıingi bilim berý mekemesiniń basshysy bul oqıǵa abaısyzda bolǵan deıdi.

«Tárbıeshi ol jerde tek balany ornynan kótergen. Quzyrly organdar da ol vıdeony kórdi. Bul jerde zorlyq-zombylyq áreketi joq. Al tamaqtandyrýǵa keletin bolsaq, qyzmetker artyq ydys-aıaqtardy jýǵysy kelmeı, óziniń jumysyn jeńildetý úshin solaı jasaǵan. Sol kúni men jumysta bolmadym, jyldyń basy bolǵan soń balabaqshaǵa ózgerister engizeıin dep ortalyqtyń sharýasymen syrtqa shyǵyp ketken edim», – dedi jekemenshik balabaqshanyń dırektory Raýshan Aıapbergenova.