Balabaqshada 12 balaǵa bar-joǵy 4 tárelke tamaq berilgen

Foto: ashyq derekkóz

Aqtaýdaǵy balabaqshada 12 balaǵa bar-joǵy tórt tárelke tamaq berilgen. Bul týraly Stan.kz aqparat agenttigi habarlaıdy.

Aqtaý qalasyndaǵy №29 balabaqsha tárbıeleýshileriniń balalardy tamaqtandyryp jatqan sáti beınebaqylaý kamerasyna túsip qalǵan. Vıdeo áleýmettik jelide jarııalandy.

Ata-analarynyń aıtýynsha, 12 búldirshinge tańǵy asqa tek bes porııa, al keshki asqa tórt porııa tamaq berilgen.

«Úlgergender tárelkeni alyp aldy, al úlgermegender basqalardyń tamaq iship jatqanyna qarap otyrdy», – deıdi ata-analar.

Sondaı-aq taǵy bir ana basshylyq aýysqan soń mekemedegi balalarǵa degen kózqaras ózgerip, balasyn basqa balabaqshaǵa aýystyrýǵa májbúr bolǵanyn atap ótti.

Qalalyq bilim basqarmasy bul fakti boıynsha arnaıy komıssııa qurylyp, dúısenbi, 1 shilde kúni tekserý júrgizetinin málimdedi.

Eske salsaq, buǵan deıin Túrkistan oblysyndaǵy jekemenshik balabaqshada 34 búldirshin ýlanyp qalǵany týraly jazǵan edik.