Balabaqshada 2 jasar bala ystyq sýǵa kúıip qalǵan

Qyzylordaǵy balabaqshalardyń birinde tárbıeshi men kómekshisiniń salǵyrttyǵynan 2 jasar bala ystyq sýǵa kúıip qalǵan, dep habarlady Qandastar.kz saıty Almaty.tv-ǵa silteme jasap.

Balanyń denesiniń basym bóligin termııalyq kúıik shalǵan. Sot-medıınalyq saraptama sábıdiń densaýlyǵyna aýyr zardap kelgenin de rastaǵan.

Qazir búldirshin aýrýhanadan úıine shyǵaryldy. Alaıda kináliler áli zań aldynda jaýapqa tartylmapty.

«Túnimen uıyqtamaıdy. Tek uıyqtatyn, qyshytatyndy basatyn dárilermen uıyqtaıdy. Sosyn túnimen shoshynady. Bala kútýshi men tárbıeshi óz erkimen jumystan bosatyldy. Biz oǵan kónbeımiz. Negizi balabaqsha jabylady degen. Biraq jabyldy ma, bilmeımiz», — deıdi qala turǵyny Aınur Aıdarbekova.

Osy jaǵdaıǵa baılanysty oblystyq Bilim basqarmasy tarapynan arnaıy komıssııa qurylyp, jeke balabaqshaǵa zerdeleý júrgizilgen. Nátıjesinde birqatar kemshilik anyqtalyp, bóbekjaıdy memlekettik tapsyrys aıasynda qarjyldandyrý toqtatylǵan. Al tárbıeshi men bala kútýshige qatysty qylmystyq is áli tergelip jatyr.