Balabaqshada balalardy syzǵyshpen urǵan tárbıeshige úkim shyqty

Shymkent qalasynda «Aı Kórkem» balabaqshasynyń tárbıeshisi kámeletke tolmaǵan balany tárbıeleý jónindegi mindetterin tıisinshe oryndamaǵany úshin kináli dep tanyldy, dep habarlaıdy Qandastar.kz aqparat portaly.

Bul qylmystyq istiń qozǵalýynyń sebebi — qoǵamda úlken rezonans týdyrǵan beınejazba boldy. Onda pedagogtyń bes jasar tárbıelenýshini syzǵyshpen uryp jatqany kórinedi.

Oqıǵa 2025 jylǵy 4 maýsymda oryn alǵan. 10 maýsymda atalǵan fakti boıynsha QR Qylmystyq kodeksiniń 140-babynyń 2-bóligine sáıkes sotqa deıingi tergep-tekserý bastaldy. Kúdikti — Jarylqap A. ustalyp, ýaqytsha ustaý ızolıatoryna qamaldy.

2025 jylǵy 12 maýsymda Shymkent qalasynyń aýdanaralyq qylmystyq soty tárbıeshini kináli dep tanyp, oǵan 80 saǵat qoǵamdyq jumys túrinde jaza taǵaıyndady.