بالاباقشادا كوز جۇمعان ءبۇلدىرشىننىڭ تاربيەشىلەرىنە سوت ۇكىم شىعاردى

فوتو: اشىق دەرەككوز

اتىراۋ وبلىسىندا بالاباقشادا كارىز قۇدىعىنا قۇلاپ كوز جۇمعان ءبۇلدىرشىننىڭ تاربيەشىلەرىنە سوت ۇكىمى شىقتى, دەپ حابارلادى      qandastar.kz     وبلىستىڭ كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتى.

سوتتا «چەبۋراشكا» جەكەمەنشىك بالاباقشاسىنىڭ يەسى مەن تاربيەشىگە قاتىستى قىلمىستىق ءىس قىلمىستىق كودەكستىڭ 141-بابىنىڭ 2-بولىگى «بالالاردىڭ ءومiرi مەن دەنساۋلىعىنىڭ قاۋiپسiزدiگiن قامتاماسىز ەتۋ جونiندەگi مiندەتتەردi تيىسىنشە ورىنداماۋ” بويىنشا قارالدى.

اتىراۋ وبلىسىنداعى جەكەمەنشىك «چەبۋراشكا» بالاباقشاسى بىلتىر مامىر ايىندا اشىلعان. ال شىلدەدە تاربيەشى جۇمىسقا قابىلدانعان.

«سول جىلى, ياعني 2023 جىلى 1 قاراشادا 2020 جىلى تۋعان ءبۇلدىرشىن «چەبۋراشكا» بالاباقشاسىنا قابىلدانعان. بيىل 10 شىلدەدە ساعات 10.45 شاماسىندا بالاباقشا يەسى مەن تاربيەشى وزدەرىنىڭ فۋنكتسيونالدىق مىندەتتەرىن تيىسىنشە ورىنداماي, ءبۇلدىرشىندى قاراۋسىز قالدىرعان. سالدارىنان بالا كارىز قۇدىعىنا قۇلاپ, قايتىس بولدى», — دەپ جازدى ۆەدومستۆو.

سوتتالۋشىلار كىناسىن تولىقتاي مويىنداعان.
پروكۋرور سوتتالۋشىلارعا پەداگوگيكالىق لاۋازىمداردى جانە كامەلەتكە تولماعاندارمەن جۇمىس ىستەۋمەن بايلانىستى لاۋازىمداردى اتقارۋ قۇقىعىنان 3 جىلعا ايىرىپ, 3 جىل مەرزىمگە باس بوستاندىعىنان ايىرۋ جازاسىن تاعايىنداۋدى سۇرادى.

ال سوتتالۋشىلار مەن ولاردىڭ قورعاۋشىلارى سوتتان باس بوستاندىعىنان ايىرماۋدى سۇراعان.

«سوتتالۋشىلار قىلمىستىق كودەكستىڭ 141-بابى 2-بولىگىمەن كىنالى دەپ تانىلىپ, ولارعا پەداگوگيكالىق لاۋازىمداردى جانە كامەلەتكە تولماعاندارمەن جۇمىس ىستەۋمەن بايلانىستى لاۋازىمداردى اتقارۋ قۇقىعىنان 3 جىل مەرزiمگە ايىرا وتىرىپ, 2 جىل 6 اي مەرزىمگە باس بوستاندىعىنان ايىرۋ جازاسى كەسىلدى. قىلمىستىق كودەكستىڭ 63-بابىمەن جازا شارتتى تۇردە تاعايىندالىپ, بەلگىلەنگەن جازانىڭ بارلىق مەرزىمىنە پروباتسيالىق باقىلاۋ ورناتىلدى», — دەيدى اۋدانارالىق سوت.

سوت ۇكىمى زاڭدى كۇشىنە ءالى ەنگەن جوق.