بالاباقشادا پسيحونەۆرولوگيالىق ەسەپتە تۇرعان ايەل جۇمىس ىستەگەن

فوتو: egemen.kz

قاداعالاۋشى ورگان وكىلدەرى وڭىردەگى بىرنەشە ءبىلىم بەرۋ مەكەمەسىندەگى زاڭ بۇزۋشىلاردى اشكەرەلەدى. بۇل تۋرالى Stan.kz اقپارات اگەنتتىگى 31 ارنانىڭ “ينفورمبيۋرو” باعدارلاماسىنا سىلتەمە جاساپ حابارلايدى.

پاۆلودارداعى جەكەمەنشىك بالاباقشانىڭ بىرىندە پسيحونەۆرولوگيالىق ديسپانسەردىڭ ەسەبىندە تۇرعان ايەل تاربيەشى بولىپ جۇمىس ىستەگەن. بۇل جاعدايدى پروكۋرورلار تەكسەرى بارىسىندا انىقتاعان.

سونداي-اق اققۋلى اۋدانىندا مۋزىكا ءپانىنىڭ مۇعالىمىنىڭ بۇرىن ادامعا ورتاشا اۋىرلىقتاعى دەنە جاراقاتىن سالعانى ءۇشىن سوتتى بولعانى انىقتالدى. ال تەرەڭكول اۋدانىنداعى 200-گە جۋىق بالا جاتتىعاتىن تەننيس ورتالىعىنداعى كادر بولىمىندە بۇرىن ەسىرتكى قىلمىسى ءۇشىن جاۋاپكەرشىلىككە تارتىلعان ادام جۇمىس ىستەگەن.

ء“ىستى بولعاندار مەكتەپ پەن بالاباقشالاردا اۋلا سىپىرۋشى, تازالىققا جاۋاپتى قىزمەتكەر رەتىندە دە ۇزاق جىلدار بويى قىزمەت ەتىپ كەلگەن. زاڭ بۇزعان تۇلعالار بىردەن جۇمىستان شىعارىلىپ, ءبىلىم بەرۋ مەكەمەلەرىنىڭ باسشىلارىنا ءتيىستى شارا قولدانىلماق”, – دەلىنگەن حابارلامادا.

پاۆلودار وبلىستىق پروكۋراتۋراسى قۇقىقتىق اقپاراتتى قالىپتاستىرۋ ءبولىمىنىڭ باستىعى سەرىك احمەتوۆ زاڭ بويىنشا كىسى ءولتىرۋ, دەنساۋلىققا قاساقانا زيان كەلتىرۋ, ەكسترەميزم, ادام ساۋداسى سەكىلدى قىلمىس جاساعاندار بالالارمەن جۇمىس ىستەمەۋى ءتيىس ەكەنىن اتاپ ءوتتى. بىراق جەكەمەنشىك مەكتەپ پەن بالاباقشالار زاڭدى ءجيى بۇزاتىن كورىنەدى. بۇرىن ءىستى بولعان ازاماتتار قازىر جۇمىستان شىعارىلدى. پروكۋراتۋرا بىرنەشە ىسكە قاتىستى تەرگەۋ جۇمىستارىن جۇرگىزىپ جاتىر.