Balabaqshaǵa barmaıtyn balalardy tirkep, úsh jyl boıy aqsha jymqyrǵandar sottaldy

Foto: ashyq derekkóz

Soltústik Qazaqstan oblysynda balabaqsha qyzmetkerleri mektepke deıingi uıymǵa is júzinde barmaıtyn balalardy tirkeý arqyly bıýdjet qarajatyn zańsyz ıemdengen, – dep habarlaıdy qandastar.kz Massaget.kz-ke silteme jasap.

SQO prokýrorlary tekserý qorytyndylary boıynsha bilim berý uıymdarynyń qyzmetinde sotqa deıingi tergep-tekserýdi bastady. Aıyrtaý aýdandyq sotynyń úkimimen mektepke deıingi uıymnyń kináli adamy memleket bıýdjetine keltirilgen zııandy tolyq kólemde óteı otyryp, 3 jyl 6 aıǵa bas bostandyǵyn shekteýge sottaldy.

Tekserý barysynda Aıyrtaý aýdandyq prokýratýrasy balabaqshalardyń biriniń qyzmetkerleri mektepke deıingi uıymǵa is júzinde barmaıtyn balalardy tirkeý arqyly bıýdjet qarajatyn zańsyz alǵandaryn anyqtady.

Bul áreketterdiń barlyǵy sońǵy 3 jylda 2021-2024 jyldar aralyǵynda jasalǵan.

Sonymen qatar, Aıyrtaý aýdandyq prokýratýrasymen aýdandyq bilim bóliminiń qyzmetkerlerine qatysty bastalǵan sotqa deıingi tergep-tekserý jalǵasyp jatyr. Qylmystyq-proestik kodekstiń 201-babynyń talaptaryna sáıkes sotqa deıingi tergep-tekserý derekteri jarııa etýge jatpaıdy.

Tekserýler barysynda basqa da zań buzýshylyqtar anyqtalyp, tıisti qadaǵalaý aktileri engizildi.