بالاەۆا بيلىكتە قانشا ايەل بارىن ايتتى

فوتو: CMN.KZ

BeWoman ورتالىق ازيا ايەلدەر فورۋمىندا مادەنيەت جانە اقپارات ءمينيسترى ايدا بالاەۆا پارلامەنتتەگى جانە ۇكىمەتتەگى گەندەرلىك تەڭدىككە قاتىستى وي ءبولىستى, دەپ حابارلايدى Qandastar.kz

ايەلدەر فورۋمىندا ايدا بالاەۆانىڭ بەينەۇندەۋى ۇسىنىلدى. وندا مينيستر بىرنەشە ايەلدىڭ مەملەكەتتىك بيلىكتىڭ بارلىق تارماقتارىندا قىزمەت ىستەپ جۇرگەنىن اتاپ ءوتتى.

«بۇگىندە پارلامەنتتە 29 ايەل جۇمىس ىستەيدى. بۇل دەپۋتاتتاردىڭ جالپى سانىنىڭ 20 پايىزىن قۇرايدى. ايەلدەر مەملەكەتتىك بيلىكتىڭ ەڭ جوعارى باسشىلىق قىزمەتتەرىنە دە ۇسىنىلعان, – دەدى مينيستر.

سونداي-اق, ايدا بالاەۆا مەملەكەتتىك قىزمەتتەگى ايەلدەردىڭ ۇلەسى 50 پايىزدان استام دەڭگەيگە ارتقانىن العا تارتتى. قر پارلامەنتىندە 148 دەپۋتات بار, ونىڭ 119-ى ەر ادامدار, تەك 29-ى ايەلدەر (19,6%).

ۇكىمەتتىڭ 27 مۇشەسىنىڭ ىشىندە تەك ءتورت ايەل بار, بۇل 17% – دان از. بۇل لاۋازىمداردا تامارا دۇيسەنوۆا – پرەمەر-ءمينيستردىڭ ورىنباسارى, اقمارال ءالنازاروۆا – دەنساۋلىق ساقتاۋ ءمينيسترى, ايدا بالاەۆا – مادەنيەت جانە اقپارات ءمينيسترى, سۆەتلانا جاقىپوۆا – ەڭبەك جانە حالىقتى الەۋمەتتىك قورعاۋ ءمينيسترى بار.