Balaeva bılikte qansha áıel baryn aıtty

Foto: CMN.KZ

BeWoman Ortalyq Azııa áıelder forýmynda Mádenıet jáne aqparat mınıstri Aıda Balaeva Parlamenttegi jáne Úkimettegi genderlik teńdikke qatysty oı bólisti, dep habarlaıdy Qandastar.kz

Áıelder forýmynda Aıda Balaevanyń beıneúndeýi usynyldy. Onda mınıstr birneshe áıeldiń memlekettik bıliktiń barlyq tarmaqtarynda qyzmet istep júrgenin atap ótti.

«Búginde Parlamentte 29 áıel jumys isteıdi. Bul depýtattardyń jalpy sanynyń 20 paıyzyn quraıdy. Áıelder memlekettik bıliktiń eń joǵary basshylyq qyzmetterine de usynylǵan, – dedi mınıstr.

Sondaı-aq, Aıda Balaeva memlekettik qyzmettegi áıelderdiń úlesi 50 paıyzdan astam deńgeıge artqanyn alǵa tartty. QR Parlamentinde 148 depýtat bar, onyń 119-y er adamdar, tek 29-y áıelder (19,6%).

Úkimettiń 27 múshesiniń ishinde tek tórt áıel bar, bul 17% – dan az. Bul laýazymdarda Tamara Dúısenova – premer-Mınıstrdiń orynbasary, Aqmaral Álnazarova – Densaýlyq saqtaý mınıstri, Aıda Balaeva – Mádenıet jáne aqparat mınıstri, Svetlana Jaqypova – Eńbek jáne halyqty áleýmettik qorǵaý mınıstri bar.