Balaeva óner adamdarynyń zańsyz áreketterin synady

Balaeva óner adamdarynyń zańsyz áreketin synady, dep habarlaıdy qandastar.

Mınıstr mádenıet uǵymyna anyqtama berip, bul adamnyń ishki rýhanııaty, halyqtyń órkenıettik bolmysy ekendigin aıtty. Al sol týdy kóterip júrgen árbir maıtalman elge baǵdar bolý kerektigin jetkizdi.

“О́kinishke oraı, sońǵy kezde mádenıet salasyndaǵy belgili azamattarǵa qatysty jaǵymsyz oqıǵalar, keıde tipti zańsyz áreketter jıilep ketti. Árıne, jeke-dara adam retinde, qarapaıym azamat retinde kimge bolsa da pendeshilik tán qasıet. Adam bolǵan soń qatelesýiń múmkin, biraq onyń arty zańdy attaýǵa barmaýy tıis. О́zin naǵyz “mádenıet qaıratkerimin” deıtin jan úshin tanymaldyq zańsyzdyqqa jol beretin qudiret emes.

Mádenıet qaıratkerleri Zań men Urpaq aldyndaǵy osynaý úlken jaýapkershiligin túsinýi kerek. Bul memleket basshysynyń barsha qazaqstandyqtardan talap etip otyrǵan biregeı úndeýi. Laýazymyna, tanymaldylyǵyna, qoǵamdaǵy ornyna qaramastan, zań bárine ortaq!”, – dedi Mádenıet mınıstri.