جاڭالىقتار
«بالالار ۇيىنەن 8 بالا اسىراپ العان». جول اپاتىنان قازا تاپقان پوليتسەيگە قاتىستى دەرەكتەر
فوتو: اشىق دەرەككوزدەردەن
جامبىلداعى جانتۇرشىگەرلىك جول اپاتىنان قازا تاپقان پوليتسەيدىڭ ءبىرى – «100 جاڭا ەسىم» جوباسىنىڭ ەكىنشى كەزەڭىنىڭ جەڭىمپازى, 11 بالانىڭ اكەسى 46 جاستاعى عالىم ارىستانباەۆ بولىپ شىقتى, دەپ حابارلايدى Qaz365.kz.
2016 جىلى جامبىل وبلىسى مەركە اۋدانىنىڭ جەرگىلىكتى پوليتسيا قىزمەتىنىڭ اعا سەرجانتى عالىم ارىستانباەۆ جارىمەن بىرگە التى ۇل, بەس قىزدى تاربيەلەپ وتىرعانى تۋرالى جازىلعان ەدى. ولاردىڭ 8-ءى جەتىمدەر ۇيىنەن الىنعان ءارتۇرلى ۇلت وكىلدەرىنىڭ بالالارى, ولاردىڭ ىشىندە قازاق, ءازىربايجان, قىتاي, وزبەك, سىعان, ورىس, ۇيعىر, تاتار بار. ول ايەلىمەن وتباسى تيپىندەگى بالالار ءۇيىن اشقان. عالىم ءوز ايەلىنىڭ كەرەمەت قولداۋ كورسەتەتىنىن ايتادى. ايەلى اليامەن 10 جىلدان استام ۋاقىت بىرگە ءومىر ءسۇرىپ كەلەدى.
پوليتسەي «100 جاڭا ەسىم» جوباسىنا قاتىسىپ, ەكىنشى كەزەڭدە جەڭىمپاز اتانعان. سول كەزدە نازارباەۆتىڭ قولىنان ماراپات العان.
ايتا كەتەيىك, 2024 جىلدىڭ 17 تامىزىندا ساعات 01:00 شاماسىندا «مەركى – شۋ – بۋرىلبايتال» رەسپۋبليكالىق ماڭىزى بار اۆتوجولىنىڭ 40-شاقىرىمىندا اۋىر جول-كولىك وقيعاسى بولدى. 25 جاستاعى تويوتا الفارد اۆتوكولىگىنىڭ جۇرگىزۋشىسى قارسى جولاققا شىعىپ, شكودا وكتاۆيا پاترۋلدىك پوليتسيا كولىگىمەن سوقتىعىسقان.
اپات سالدارىنان جول قاۋىپسىزدىگىن قامتاماسىز ەتۋ ءۇشىن جۇرگەن قىزمەتتىك كولىكتەگى ەكى پاترۋلدىك پوليتسيا قىزمەتكەرى قازا تاپتى. قايتىس بولعان پوليتسيا قىزمەتكەرلەرىنىڭ ءبىرى – عالىم ارىستانباەۆ بولاتىن.
اتالعان دەرەك بويىنشا قر قك 345-بابى 4-بولىگىمەن سوتقا دەيىنگى تەرگەۋ باستالدى. پوليتسيا مۇقيات تەرگەۋ جۇرگىزىپ, وقيعانىڭ ءمان-جايىن انىقتاۋ بويىنشا بارلىق قاجەتتى شارالاردى قابىلداۋدا.
