جاڭالىقتار
«بالالاردى ۇرلاپ جاتىر»: پوليتسيا جەلىدە فەيك-اقپارات تاراعانىن مالىمدەدى
ىشكى ىستەر مينيسترلىگى مەسسەندجەرلەردە تاراعان جالعان اقپاراتقا قاتىستى ماڭىزدى مالىمدەمە جاسادى, دەپ حابارلايدى Qandastar.kz
وندا «ىشكى ىستەر مينيسترلىگى ەلدەگى قاۋىپتى جاعدايعا بايلانىستى ەسىك-تەرەزەلەرىڭىزدى جاۋىپ ءجۇرۋ كەرەك, ميگرانتتار بالالاردى ۇرلاپ جاتقانىن ەسكەرتتى» دەگەن فەيك-اقپارات جازىلعان.
«ىشكى ىستەر مينيسترلىگى مەسسەندجەرلەردە تارالىپ جاتقان ميگرانتتار مەن بالالاردى ۇرلاۋ تۋرالى تاراپ جاتقان اقپارات فەيك ەكەنىن حابارلايدى. مينيسترلىك مۇنداي مالىمدەمە جاريالاعان جوق. ازاماتتاردى تەك رەسمي دەرەككوزدەرگە سەنۋگە جانە تەكسەرىلمەگەن اقپاراتتى تاراتپاۋعا شاقىرامىز», — دەپ حابارلايدى ءىىم.
ىشكى ىستەر ورگاندارى قانداي دا ءبىر كۇدىكتى جاعداي ورناسا, 102 نومىرىنە حابارلاسۋعا كەڭەس بەرەدى.
