ءبىلىم
بالالارعا ارنالعان پسيحولوگيالىق قولداۋ كورسەتۋ ورتالىقتارى اشىلدى
فوتو: bakytsyry.kz
باستى مىندەت – بالالاردىڭ, اتا-انالار مەن پەداگوگتەرگە پسيحولوگيالىق جانە ادىستەمەلىك كومەك كورسەتۋدى كۇشەيتۋ ماقساتىندا جەرگىلىكتى دەڭگەيدە پسيحولوگيالىق قىزمەتتىڭ بىرىڭعاي جۇيەسىن قۇرۋ. بۇل تۋرالى qandastar.kz وقۋ-اعارتۋ مينيسترلىگى حابارلادى.
بالالاردىڭ قۇقىقتارىن قورعاۋ كوميتەتىنىڭ توراعاسى اتاپ وتكەندەي, بۇعان دەيىن ورتالىقتاردىڭ قىزمەتىن ءبىر جۇيەگە كەلتىرۋ ءۇشىن بىرىڭعاي ۇلگى بويىنشا ادىستەمەلىك ۇسىنىستار ازىرلەنگەن بولاتىن. وندا تاپسىرمالار, جۇمىستىڭ نەگىزگى باعىتتارى, شتاتتىق كەستە جانە مامانداردىڭ لاۋازىمدىق نۇسقاۋلىقتارى ەگجەي-تەگجەيلى كورسەتىلگەن. اسىرەسە, ورتالىقتىڭ ماتەريالدىق-تەحنيكالىق جابدىقتالۋىنا ەرەكشە نازار اۋدارىلادى.
«بۇل ورتالىقتار پەداگوگ-پسيحولوگتار ءۇشىن قولداۋ عانا ەمەس, سونىمەن قاتار اتا-انالار مەن بالالار دەر كەزىندە جانە بىلىكتى كومەك الا الاتىن ورتا. بالالار پسيحولوگيالىق كومەككە جۇگىنىپ قانا قويماي, مەديتسينالىق, قۇقىقتىق جانە الەۋمەتتىك كومەك الا الادى. بۇل ءبىزدىڭ بالالارىمىزدىڭ جانە جالپى قوعامنىڭ بولاشاعى ءۇشىن ماڭىزدى», – دەيدى ناسىمجان وسپانوۆا.
ايتا كەتەيىك, ورتالىقتاردىڭ اشىلۋى 2023-2025 جىلدارعا ارنالعان بالالاردى زورلىق-زومبىلىقتان قورعاۋ, ءسۋيتسيدتىڭ الدىن الۋ جانە ولاردىڭ قۇقىقتارى مەن سالاماتتىلىعىن قامتاماسىز ەتۋ جونىندەگى كەشەندى جوسپاردا قاراستىرىلعان.
