Balalarmen tóbelesken aqtóbelik oqýshy zaǵıp bolyp qalýy múmkin

Aqtóbelik 16 jastaǵy mektep oqýshysy jasóspirimder arasyndaǵy tóbeles kezinde kózildiriktiń synyqtary kózine túsip, qatty zaqymdaǵan, dep habarlady Qandastar.kz.

Qazir ol ekinshi otaǵa daıyndalyp jatyr. Týystarynyń aıtýynsha, balanyń kórý qabiletinen tolyq aıyrylý qaýpi bar, al polıııa tergeýdi sozyp jatyr. Bul týraly Tengrinews.kz jazdy.

Oqıǵa 29 maýsym kúni Aqtóbedegi Avııaqalashyq yqshamaýdanynda bolǵan. Jasóspirimder toby arasynda janjal týyndap, ol tóbelespen aıaqtalǵan. Sol tóbeleske qatysýshylardyń biri kózildirik kıip júrgen 16 jastaǵy jasóspirimdi uryp jibergen.

«Kózildiriktiń áınegi synyp, onyń synyqtary balanyń kózine kirip ketti. Sol oqıǵadan keıin oǵan ota jasaldy. Biraq bul jetkiliksiz, qazir ol kórý qabiletinen aıyrylýy múmkin», – deıdi oqýshynyń tátesi.

Kórý qabiletin qalpyna keltirý múmkindigin baǵalaý úshin taǵy bir operaııa qajet, oǵan bala qazir daıyndalyp jatyr. Aqtóbe oblystyq polıııa departamenti oqıǵa bolǵanyn rastady.

«Barlyq qatysýshylar anyqtalyp, polıııa bólimine jetkizildi. Jasóspirimder arasynda janjal týyndap, kúdikti jábirlenýshini uryp jibergen. Nátıjesinde jábirlenýshi kózildiriktiń áınek synyqtarynan kózinen jaraqat aldy. Ortasha aýyrlyqtaǵy densaýlyqqa qasaqana zııan keltirý faktisi boıynsha sotqa deıingi tergeý júrgizilýde. Tergeý barysynda árbir qatysýshynyń áreketine quqyqtyq baǵa beriledi», – dedi oblystyq polıııa departamentiniń baspasóz qyzmetiniń jetekshisi Erbolat Sarkulov.

Sondaı-aq polıııa kámeletke tolmaǵan balanyń tárbıesine tıisti deńgeıde mán bermegeni úshin ata-analardy jaýapkershilikke tartý máselesin qarastyryp jatqanyn málimdedi.

Osy arada jábirlenýshiniń týystary tergeýdiń tym baıaý júrip jatqanyn aıtyp, alańdaýshylyq bildirýde. Olardyń sózinshe, jaǵdaı óte aýyr: ekinshi otadan keıin bala múlde kórmeı qalýy múmkin.

«Biz bul qaıǵyny ózimiz ǵana arqalap qalamyz ba dep qorqamyz. Tergeý óte baıaý júrip jatyr, ýáde bergenimen, esh nátıje joq», – deıdi mektep oqýshysynyń jaqyndary.