Balalary ónerli balabaqsha

Balańyzdyń aman-saýlyǵyna jaýap berip qana qoımaı, ónegeli tálimge baýlyp, Halyqaralyq baıqaýlarǵa deıin qatystyratyn balabaqshaǵa barǵanyn qalar ma edińiz? Árıne, bul – ár ata-ananyń asyl armany. Osy rette dana halqymyz: «balanyń ósken besigi – keń dúnıeniń esigi» dep beker aıtpasa kerek.

10 jeltoqsan kúni Memlekettik Respýblıkalyq Uıǵyr teatrynda  balalar ónerin qoldaý maqsatynda «Bı álemi» Halyqaralyq óner baıqaýy ótti. Baıqaýǵa bala-baqsha balalary men oqýshylar qatysty. Ishinen oq boıy ozyq shyqqan, qanjyǵasyna 1-oryndy baılaǵan «Chýdo-detkı» balabaqshasynyń 22 ónerpazy edi. Olardyń jastary nebári 5-6-da. «Ulttyq tárbıe – bala janynyń qoregi» degendeı Halyqaralyq óner baıqaýynda balalar ulttyq áýenge qazaqtyń qasıetin bildirgen kók tústi týy beınelengen kıimdi kıip, «Jasa Qazaqstan» bıin bıledi. Sahnada turǵan jalyndaǵan balalar quddy bir bı salasynyń maıtalmandary ma dersiń… Boılarynda týlaǵan ystyq qany kórermenderge sezilip-aq turdy.  Olar: Murathan Janııa, Amantaı Batyrhan, Ermek Leısan, Qusanǵazy Aıanat, Saýlebaeva Aıkúnim, Hýsaın Nurıslam, Murathan Raıana, Qalı Estaı, Tlemısov Aıbek, Nurbek Muhammed, Seıfýlla Ibrahım, Baqtyǵul Alııar, Qabylǵazy Alıma, Amangeldıev Aldııar, Alda-Ongarov Ramazan, Talıpbaı Malıka, Baqytjan Asyljan, Bolat Dinmuhammed, Baýyrjanuly Álim, Ábdikerim Alıakbar, Qaırat Danııal, Tasbolat Aırat esimdi búldirshinder edi… Bul búldirshinderdiń ata-analarymen de tildesýdiń sáti týyp, suraq astyna aldyq.

Nurbek Muhammedtiń anasy: «Biz bul balabaqshaǵa kelip júrgenimizge nebári 2-aq jyl boldy. Shynymdy aıtsam, balamda múldem qabilet joq edi. Úıde ózimen ózi júrgen bala ǵoı. Biraq osy balabaqshaǵa kirgeli balamnyń kózi janyp, ár túrli ónerge degen qyzyǵýshylyǵy oıandy. Balam sahnaǵa shyqqanda qatty tolqydym» dese, Amantaı Batyrhannyń anasy: «Bul – bizdiń birinshi baıqaýymyz emes. Osynyń aldynda Halyqaralyq baıqaýda akterlik sheberlik boıynsha baq synaǵan edik. Ol jerde de bizge gran-prı buıyrdy. Negizi balamda 1 jas 7 aıynan bastap ónerge qabileti baryn baıqaǵanbyz. Biraq asa mán bere qoımadyq. Balabaqshanyń arqasynda endi sahnadan boı kórsetýde. Ana retinde balamnyń mundaı jetistigin kórý – men úshin úlken baqyt» dep qýanyshyn jasyrmady.

Rasymen, ata-analar aıtqandaı, sany da, sapasy da joq bala-baqshalardyń qasynda Almatynyń shetinde ornalasqan Chýdo-detkı bala-baqshasy ozyq ekeni anyq. «О́nerli bala ónerli tárbıeshiden» ekenin eskersek, bul jerde horeograf Talandy Oshakbaevnanyń, ádisker ári jetekshi Janar Sáttibekqyzynyń jáne balabaqsha meńgerýshisi Marýan Tohanovnanyń úlesi zor-aq…

Aqgúl AIDARBEKQYZY