«بالالارىن پايدالانعانى انىق»: شىمكەنتتىڭ ەكس-اكىمىنىڭ اعاسى مارات ايتەنوۆتىڭ ءبىرىنشى ايەلى ەكس-كۇيەۋىنە قولداۋ ءبىلدىردى

فوتو: ۆيدەودان سكرين

ەكىنشى ايەلى مەن بالالارىن ورتاق ۇيىنەن قۋىپ شىققان مارات ايتەنوۆتىڭ ءبىرىنشى ايەلى ءمان-جايدى ايتتى. لەيلا ميراس جۇرتشىلىققا سىن كوزبەن قاراۋدى ۇسىندى. تاياقتىڭ ەكى ۇشى بولادى دەيدى ول. بۇل تۋرالى Stan.kz اقپارات اگەنتتىگى حابارلايدى.

لەيلا ميراس بالا-شاعاسى ءۇشىن جۇرتقا مالىمدەمە جاساۋدى ۇيعارعانىن ايتتى. ونىڭ ايتۋىنشا, قازىر ەكس-كۇيەۋىنە جالا جابىلىپ جاتىر. 41 جاستاعى لەيلا ميراس قازىر تۇركيادا تۇرادى. ايتەنوۆتەن ءۇش بالاسى بار.

ايەلدىڭ ايتۋىنشا, بۇرىنعى كۇيەۋى وزىنە ەشقاشان قول كوتەرمەگەن. سوزىنشە, جاقسى اكە بولعان. ءوز بالالارىنا قول كوتەرۋى مۇمكىن ەمەس دەيدى ول.

“دۇربەلەڭگە سالىنباي, سىني كوزقاراسپەن قاراۋدى سۇرايمىن. جاعدايعا بايىپپەن قاراپ, ەكىنشى تاراپتى دا تىڭداۋ كەرەك. قۇقىق قورعاۋ ورگاندارى ءىستىڭ بارلىق ءمان-جايىن جۇرتتىڭ قىسىمىنسىز ءادىل تەكسەرسە ەكەن”, – دەدى ايەل.

ونىڭ ايتۋىنشا, بۇرىنعى كۇيەۋىنىڭ ەكىنشى ايەلى اجىراسقاننان كەيىن كۇيەۋىنە قويار تالابىن وزگەرتىپ وتىرعان.

“بۇل جاعدايدا بالالارىن پايدالانعانى انىق. ونى تۇسىنگەن بۇرىنعى كۇيەۋىم بالالاردى سىرتقا شىعارىپ, ەكەۋارا سويلەسپەك بولعان سياقتى”, –  دەدى ايتەنوۆتىڭ ءبىرىنشى ايەلى.

دانا اتەشوۆانىڭ قىزىنىڭ مۇرنىنان قان كەتۋىنە بالالاردىڭ تاڭنان كەشكە دەيىن ۇيدە وتىرىپ, ەشتەڭە جەمەۋى سەبەپ بولعان سياقتى دەيدى. لەيلا ميراستىڭ ايتۋىنشا, مارات ايتەنوۆ ۇزاق ۋاقىت بويى جۇمىسقا ورنالاسا الماي قالعان. سوندىقتاي ايەلى قولداۋسىز جانە اليمەنتسىز قالدى دەيدى.

“ەكىنشى ايەلىمەن اراقاتىناسى جاعدايدى ودان سايىن ناشارلاتتى. ونىڭ ەكىنشى ايەلىن ۇيدەن قۋىپ شىعۋ ارەكەتىن سىنامايمىن. ونى قۇقىق قورعاۋ ورگاندارى وزدەرى رەتتەسىن. بىراق ءبارى دۇرىس ءتۇسىنسىن”, – دەدى ايەل.

لەيلا ميراس بالالارىن ازىرگە ينتەرنەتتەن شەكتەپ وتىرعانىن ايتتى. ول وسى اڭگىمەسىنەن سوڭ وزىنە سىن ايتىلاتىنىن, بارىنە دايىن ەكەنىن جەتكىزدى.