«Balalaryn paıdalanǵany anyq»: Shymkenttiń eks-ákiminiń aǵasy Marat Áıtenovtyń birinshi áıeli eks-kúıeýine qoldaý bildirdi

Foto: vıdeodan skrın

Ekinshi áıeli men balalaryn ortaq úıinen qýyp shyqqan Marat Áıtenovtyń birinshi áıeli mán-jaıdy aıtty. Leıla Mıras jurtshylyqqa syn kózben qaraýdy usyndy. Taıaqtyń eki ushy bolady deıdi ol. Bul týraly Stan.kz aqparat agenttigi habarlaıdy.

Leıla Mıras bala-shaǵasy úshin jurtqa málimdeme jasaýdy uıǵarǵanyn aıtty. Onyń aıtýynsha, qazir eks-kúıeýine jala jabylyp jatyr. 41 jastaǵy Leıla Mıras qazir Túrkııada turady. Áıtenovten úsh balasy bar.

Áıeldiń aıtýynsha, burynǵy kúıeýi ózine eshqashan qol kótermegen. Sózinshe, jaqsy áke bolǵan. О́z balalaryna qol kóterýi múmkin emes deıdi ol.

“Dúrbeleńge salynbaı, synı kózqaraspen qaraýdy suraımyn. Jaǵdaıǵa baıyppen qarap, ekinshi tarapty da tyńdaý kerek. Quqyq qorǵaý organdary istiń barlyq mán-jaıyn jurttyń qysymynsyz ádil tekserse eken”, – dedi áıel.

Onyń aıtýynsha, burynǵy kúıeýiniń ekinshi áıeli ajyrasqannan keıin kúıeýine qoıar talabyn ózgertip otyrǵan.

“Bul jaǵdaıda balalaryn paıdalanǵany anyq. Ony túsingen burynǵy kúıeýim balalardy syrtqa shyǵaryp, ekeýara sóılespek bolǵan sııaqty”, –  dedi Áıtenovtiń birinshi áıeli.

Dana Áteshovanyń qyzynyń murnynan qan ketýine balalardyń tańnan keshke deıin úıde otyryp, eshteńe jemeýi sebep bolǵan sııaqty deıdi. Leıla Mırastyń aıtýynsha, Marat Áıtenov uzaq ýaqyt boıy jumysqa ornalasa almaı qalǵan. Sondyqtaı áıeli qoldaýsyz jáne alımentsiz qaldy deıdi.

“Ekinshi áıelimen araqatynasy jaǵdaıdy odan saıyn nasharlatty. Onyń ekinshi áıelin úıden qýyp shyǵý áreketin synamaımyn. Ony quqyq qorǵaý organdary ózderi rettesin. Biraq bári durys túsinsin”, – dedi áıel.

Leıla Mıras balalaryn ázirge ınternetten shektep otyrǵanyn aıtty. Ol osy áńgimesinen soń ózine syn aıtylatynyn, bárine daıyn ekenin jetkizdi.