جاڭالىقتار
«بالالارىڭدى گرانتقا تۇسىرەمىن». اۋىل ادامدارىن سان سوقتىرعان الاياق جىگىت ۇستالدى
فوتو: اشىق دەرەككوز
ەلوردا پوليتسەيلەرى «بالالارىڭدى گرانتقا تۇسىرەمىن» دەپ اۋىل تۇرعىندارىنان ءىرى كولەمدە اقشا جيناپ العان الاياقتى قولعا ءتۇسىردى, دەپ حابارلايدى Zakon.kz.
جەدەل ىزدەستىرۋ ءىس-شارالارى بارىسىندا الماتى اۋدانىنىڭ قىلمىستىق پوليتسيا باسقارماسىنىڭ قىزمەتكەرلەرى ازاماتتاردىڭ اقشالاي قاراجاتىن الاياقتىق جولمەن يەمدەنىپ كەتكەن 21 جاستاعى ءجاسوسپىرىمدى انىقتاپ, ۇستادى.
«الاياقتىق جاسادى دەگەن كۇدىككە ىلىنگەن قالا تۇرعىنى ەلورداداعى بەدەلدى جوعارى وقۋ ورىندارىنىڭ بىرىنە گرانتقا تۇسۋگە ۋادە بەرگەن. ول جابىرلەنۋشىلەردىڭ بارلىعىنىڭ شەتەلدە ءبىلىم الىپ جاتقانىن پايدالانىپ, وسى سالادا تانىستارى بار ەكەنىن مالىمدەگەن. قاسكۇنەم گرانتقا اۋدارۋعا كومەكتەسەمىن دەگەن جەلەۋمەن, الداۋ جانە سەنىمگە قيانات جاساۋ ارقىلى بوتەننىڭ مۇلكىن يەمدەنۋ ماقساتىندا قىلمىستىق نيەتپەن اقشا تالاپ ەتىپ, الداپ كەتكەن. كەلتىرىلگەن جالپى شىعىن كولەمى شامامەن 7 ميلليون تەڭگەنى قۇرايدى», دەلىنگەن پوليتسيا حابارلاماسىندا.
