«بالالارىنىڭ كوزىنشە»: پاريج وليمپياداسىنا قاتىسقان سپورتشىنى بۇرىنعى كۇيەۋى ورتەپ جىبەرگەن

فوتو: اشىق دەرەككوز

اقپاراتقا سۇيەنسەك, ديكسون نديەما بۇرىنعى ايەلىنىڭ بالالارىمەن بىرگە شىركەۋگە كەتكەنىن پايدالانىپ, ۇيىنە كىرىپ العان, – دەپ حابارلايدى qandastar.kz

پاريج وليمپياداسىنا قاتىسقان ۋگاندالىق سپورتشىنى بۇرىنعى كۇيەۋى بالالارىنىڭ كوزىنشە ورتەپ جىبەرگەن. فرانتسيانىڭ Paris Press اگەنتتىگى حابارلاعانداي, پاريجدەگى وليمپيادالىق مارافونعا قاتىسىپ, 44-ورىن العان ۋگاندالىق سپورتشى رەبەككا چەپتەگەيدىڭ دەنەسىنىڭ 75%-ىن كۇيىك شالعان.اقپاراتقا سۇيەنسەك, ديكسون نديەما بۇرىنعى ايەلىنىڭ بالالارىمەن بىرگە شىركەۋگە كەتكەنىن پايدالانىپ, ۇيىنە كىرىپ العان. 33 جاستاعى ايەل ۇيگە ورالعاندا, وعان كانيستردەن بەنزين شاشىپ, سىرىڭكە لاقتىرعان.

ءورت ديكسون نديەمانىڭ وزىنە دە تيگەن. كورشىلەرى ايعايلاعانى داۋىستى ەستىپ, جۇگىرىپ كەلىپ, مەديتسينالىق كومەك شاقىرعان.

چەپتەگەيدىڭ دەنەسىنىڭ 75% كۇيىك شالعانى انىقتالدى, دەگەنمەن دارىگەرلەردىڭ بولجامى بويىنشا, ونىڭ ساۋىعۋ مۇمكىندىگى بار. الايدا, سپورتتىق مانسابىن جالعاستىرۋى ەكىتالاي بولۋى مۇمكىن.

جاريالانىمعا سايكەس, ەرلى-زايىپتىلاردىڭ اجىراسقاننان كەيىن ءۇي مەن جەر تەلىمىن بولىسۋگە قاتىستى ەلەۋلى كەلىسپەۋشىلىكتەرى بولعان. چەپتەگەي بۇرىنعى كۇيەۋىمەن بايلانىسۋدى توقتاتقان, ال نديەما دا ەكس-سۇيىكتىسىمەن تاتۋلاسقىسى كەلمەيتىنىن بىرنەشە رەت ايتقان.