«بالام كەلگەسىن اشىلۋىن جاسايمىز»: گۇلزيرا ايداربەكوۆا جاڭا كاسىبىن تانىستىردى

فوتو: ايكىن.كز

تانىمال پروديۋسەر گۇلزيرا ايداربەكوۆا قىز-كەلىنشەكتەرگە ارنالعان ەكىنشى كيىم دۇكەنىن اشتى. بۇل تۋرالى Stan.kz اقپارات اگەنتتىگى حابارلايدى.

ونەر يەسى دۇكەنىنىڭ اشىلۋ سالتاناتىن ءالى جاساماعانىن ايتتى.

“جاي اشىپ, قويا سالدىق, قىزدار جۇمىسسىز قالماسىن دەپ. قانشاما ادام ناپاقاسىن تابۋى ءۇشىن جۇمىس بەرۋ – ول دا ءبىر ساۋاپ. بالام كەلگەن سوڭ تولىق رەتتەپ, اشىلۋىن جاسايمىن”, – دەدى پروديۋسەر.

سونىمەن قاتار ۇشاقتا توبەلەسىپ, 15 تاۋلىككە قامالعان ۇلى قايرات نۇرتاستى كۇن ساناپ كۇتىپ جۇرگەنىن دە جاسىرمادى.

“سىزدەرگە تۇك ەمەس ەكەنىن بىلەمىن. ءبىز عوي ساعات ساناپ جۇرگەن. ءيا, ايتۋعا ءبارى وڭاي. بىراق امال قانشا, اللانىڭ جازعانىن كورەرمىز, ەڭ قيىن سىناق وسى بولسىن دەپ تىلەيىك. 4 كۇن قالدى, ارامىزعا امان-ەسەن ورالسىنشى», «قايراتقا سابىر تىلەيمىن, 20 شىلدە كۇنى امان-ەسەن شىعۋىن كۇتىپ ءجۇرمىز”, – دەپ جازدى ءانشىنىڭ اناسى.

ەسكە سالايىق, «جەتى جىلدان بەرى ءتۇرلى سىناقتى كورىپ كەلەدى» دەپ قايرات نۇرتاستىڭ كەلىنى قولداۋ بىلدىرگەن حالىققا العىس ايتقان ەدى.