«Balamnyń tegi bolǵanyn qalaımyn»: Mańǵystaý oblysy ákiminen uldy boldym degen áıel úndeý jasady

Burynǵy máslıhat depýtaty Mańǵystaý oblysynyń ákiminen ul taptym dep, ómirden túńilgenin ashyq aıtty. Eks-depýtattyń bul málimdemesi qoǵamda úlken rezonans týdyryp otyr, dep habarlady Qandastar.kz saıty Skifnews.kz aqparat portalyna silteme jasap.

«Adaıdyń qyzymyn, Qosaıdyń urpaǵymyn. О́zimdi basyndyryp qoıýdan sharshadym, qansha myqty bolýǵa tyryssam da qolymnan kelmeı jatyr. Qateligimdi moıyndadym. 3 jasar ulym Ámireniń quqyǵyn qorǵap júrmin. 10 maýsymda sotqa berdim, odan beri eki aı ótti, áli esh nátıje joq, DNQ da jasaǵan joqpyz», — deıdi ol.

Sonymen qatar kelinshek balasynyń bolashaǵyna alańdaıtynyn aıtyp, tegine qatysty sóz qozǵady.

«Ulym kishkentaı kezinde osy máseleniń bári bitse eken deımin, eseıgende esh másele bolmasa eken deımin. Balamnyń tegi bolǵanyn qalaımyn, týmalastarymen aralassa jaqsy bolar edi. Balamnyń ákesiniń ata-anasynyń esh jazyǵy joq, olar balasyn osylaı bolsyn dep tárbıelemeıdi. Mende barar jer, basar taý qalmady. Kóp suraqtyń jaýaby joq», — dep janaıqaıyn jetkizdi kelinshek.

Ol óziniń ishki kúızelisi men adasqanyn aıtyp, bar shyndyǵyn bólisti.