Áleýmet jáne qoǵam
«Balamyzǵa tegińdi ber dedim»: Mańǵystaý oblysynyń ákimi eks-depýtattyń artyna adam salyp, qorqytyp júr
Foto: jeke paraqshasynan alyndy
Burynǵy depýtat Yntash Naýryzova oblys ákimi sońyna adam salǵanyn aıtyp, prezıdent Toqaevtan kómek surady, dep jazdy qandastar.kz
Mańǵystaý oblysynyń eks-depýtaty Yntash Naýryzova oblys ákimi Nurdáýlet Qılybaıdyń izine adam salyp, qorqytyp jatqanyn aıtty. Sebebi ol buǵan deıin ulynyń ákesi oblys basshysy ekenin ashyq jetkizgen, dep habarlaıdy Skifnews.kz aqparat portaly.
Burynǵy depýtat Yntash Naýryzova oblys ákimi sońyna adam salǵanyn aıtyp, prezıdent Toqaevtan kómek surady.
“Qazir 2022 jyly dúnıege kelgen ulym bar. Ulymnyń ákesi Mańǵystaý oblysynyń ákimi Nurdáýlet Qılybaı. Jyldar boıy qıyndyq kórip, eshkimge aıtpaı júrgen edim. Sebebi balamnyń ákesine qatty sendim. Alaıda qazir ákim meni qorqytyp, túrli áreket jasap jatyr. Bir jyldaı ýaqyt boldy shydap júrgenime. Balamnyń tegi bolsyn, aralasyp tur, ýádeńdi orynda degenim úshin meni qorqytyp, artymnan adamdar jiberedi. Meni tynyshtyǵymnan aıyrdy”, – dedi ol.
Naýryzova onyń sońynan memlekettik qyzmetkerler, belgisiz bireýler men qaraqshylar ańdyp júretinin aıtty. Ol ákimniń kesirinen barlyq esik jabylyp, sońynan túrli ósek tarap jatqanyn aıtty.
“Meni nekesiz, teksiz bala dúnıege ákeldiń dep qaralp jatyr. Aıtqan ósekteri men qysymy da az emes. Sondaı-aq jelide meniń atymnan arnaıy tapsyryspen balaǵat jazbalar men pikirler jazylyp jatyr. 2024 jyly quqyq qorǵaý organdaryna shaǵym túsirdim. Alaıda aryzym qaralmaı, jabylyp qaldy. Qazir sharasyz kúıdemin”, – dep jazdy ol.
