Balany keshirgen: Petropavlda oqýshy qyz qaǵyp ketken soǵys ardageri qaıtys boldy

Foto: otbasylyq muraǵattan

Soltústik Qazaqstan oblysynyń týmasy, Uly Otan soǵysynyń ardageri Vasılıı Vasılevıch Makıenko 100 jasyna qaraǵan shaǵynda ómirden ótti, dep jazdy qandastar.kz

Qarııa qalalyq kópbeıindi aýrýhanada kóz jumdy. Bul týraly Stan.kz aqparat agenttigi habarlaıdy.

Dárigerler 30 mınýt boıy reanımaııalyq sharalar júrgizgen. Alaıda ardagerdiń ómirin aman alyp qalý múmkin bolmady.

Vasılıı Makıenko 1926 jyly 24 qańtarda Voloshınka aýylynda dúnıege kelgen. 1943 jyly 17 jasynda áskerge shaqyrylyp, 44-shi jáne 142-shi atqyshtar polkinde, keıin 317-shi gvardııalyq atqyshtar polkinde qyzmet etti. Soǵystaǵy erligi úshin II dárejeli Otan soǵysy ordenimen, «Kıonıgsbergti alǵany úshin» jáne «Germanııany jeńgeni úshin» medaldarymen marapattalǵan.

Soǵystan keıin Vasılıı Vasılevıch sý qubyry sharýashylyǵynda eńbek etip, keıin 13 jyl boıy tehnıkalyq jabdyqtaý basqarmasynda basshynyń orynbasary qyzmetin atqardy. Ol tórt qyz, segiz nemere jáne alty shóbere tárbıelep ósirgen.

Qaıǵyly jaǵdaı bıyl 20 sáýirde bolǵan. Vasılıı Makıenko serýendeýge shyǵyp, ádettegideı kógershinderdi tamaqtandyrýǵa barǵan. Jol qıylysynda ol júgirip ótpek bolǵan toǵyz jastaǵy mektep oqýshysymen soqtyǵysyp qalady. Ardager qulap, jambas súıegi synǵan.

Aýrýhanaǵa jatqannan keıin Makıenko travmatologııa bóliminde jatty. Keıin jansaqtaý bólimine aýystyryldy. Dárigerlerdiń bar kúsh-jigerine qaramastan, ardagerdi aman alyp qalý múmkin bolmady.

Keıin qyz bala qart kisini baıqamaǵanyn jáne onymen soqtyǵysqanyn túsinbegenin aıtqan. Kelesi kúni ol anasy ekeýi aýrýhanaǵa baryp, gúl aparyp, Vasılıı Makıenkodan keshirim suraǵan. Ardager olardy keshirgen.

Oqıǵa boıynsha polıııa QR Qylmystyq kodeksiniń 114-baby «Densaýlyqqa abaısyzda zııan keltirý» boıynsha sotqa deıingi tergeýdi bastaǵan.

«Polıııa Uly Otan soǵysynyń 99 jastaǵy ardageri Vasılıı Vasılevıch Makıenkonyń aýyr jaraqat alýynyń mán-jaıyn anyqtaý úshin tekserý júrgizdi. 20 sáýirde onyń aýrýhanaǵa túskeni týraly habar kelip túskennen keıin, polıııa qyzmetkerleri bolǵan jaıttyń barlyq mán-jaıyn anyqtaýǵa baǵyttalǵan qajetti tergeý áreketterin júrgizdi. Tekserý barysynda oqıǵanyń qatysýshylary men kýágerleri anyqtaldy, oqıǵa Petropavl qalasyndaǵy Nazarbaev pen Musrepov kósheleriniń qıylysynda bolǵany belgili boldy. Kýágerlerdiń túsiniktemeleri men oqıǵa jaǵdaılary egjeı-tegjeıli zerdelendi,» – dep habarlady oblystyq polıııa departamentiniń baspasóz qyzmeti.

Qylmystyq is kámeletke tolmaǵan qatysýshynyń áreketterinde qylmystyq quqyqbuzýshylyq quramynyń bolmaýyna baılanysty toqtatyldy.

«9 jastaǵy qyz bala qylmystyq jaýapkershilik júkteletin jasqa tolmaǵan», – dep túsindirdi polıııa ókilderi.

Aıta keteıik, 5 mamyrda Petropavlda UOS taǵy bir ardageri Valentına Volkodav qaıtys bolǵan edi. Qazir Soltústik Qazaqstanda Uly Otan soǵysyna qatysqan jalǵaz ǵana adrager qaldy. Ol — Fedor Щeglov.