جاڭالىقتار
«بالانى ساتىپ جىبەرۋى دە مۇمكىن»: شۋ اۋرۋحاناسىندا قايتىس بولعان جۇكتى ايەلدىڭ جاقىندارى دابىل قاقتى
فوتو:ابىلقاسىم ەسەنتاەۆ/Azattyq Ruhy
جۇكتى ايەلدىڭ دەنەسىن اۋرۋحانانىڭ جەرتولەسىنەن تاۋىپ العان جاقىندارى جۋرناليست رۋسلان وتەپبايعا سۇحبات بەردى, دەپ حابارلايدى qandastar.kz
مارقۇمنىڭ اتا-اناسى مەن جۇبايى مەديتسينا قىزمەتكەرلەرىنىڭ سالعىرتتىعىنا نارازى. ولاردىڭ ايتۋىنشا, دارىگەرلەر دەر كەزىندە كومەك كورسەتپەي, كەلىنشەكتىڭ ءومىرىن ساقتاپ قالۋعا مۇمكىندىك بولماعان. 25 جاستاعى ادەمى ەسىمدى ايەل جۇكتىلىگىنىڭ 33 اپتاسىندا شۋ قالالىق اۋرۋحاناسىنا تۇسكەن.
جاقىندارىنىڭ سوزىنشە, 9 ناۋرىز كۇنى ول اۋرۋحانانىڭ اجەتحاناسىندا ەسىنەن تانىپ قۇلاپ قالعان. دارىگەرلەر سول كۇنى تاڭەرتەڭ ونىڭ قۇرساعىنداعى بالاسىن الىپ تاستاعان. الايدا ءوزى ەسىن جيماستان, 22 ناۋرىزدا قايتىس بولعان. مارقۇمنىڭ تۋىستارى ونى ەسىنەن تانعاننان كەيىن ۇزاق ۋاقىت بويى قاراۋسىز قالدىرعانىن ايتادى. ەڭ سوراقىسى – ءمايىتتى كۇيەۋى بەلگىسىز ءبىر بولمەدەن تاپقان.
Skifnews.kz جازعانداي, جەلى قولدانۋشىلارى بالا ءتىرى بولىپ, ونى ساتىپ جىبەرۋى دە مۇمكىن دەگەن بولجامدارىن جارىسا جازۋدا.
