قر ازاماتتىعىن الۋ

بالانىڭ ازاماتتىعى

بالا تۋعان كەزدە اتا-اناسىنىڭ ەكەۋى دە قازاقستان رەسپۋبليكاسىنىڭ ازاماتى بولسا, ول تۋعان جەرىنە قاراماستان قازاقستان رەسپۋبليكاسىنىڭ ازاماتى بولىپ تابىلادى. اتا-اناسىنىڭ ازاماتتىعى ءارتۇرلى بولعان جاعدايىنداعى بالانىڭ ازاماتتىعى اتا-اناسىنىڭ ازاماتتىعى ءارتۇرلى بولىپ, بالا تۋعان كەزدە ولاردىڭ بىرەۋى قازاقستان رەسپۋبليكاسىنىڭ ازاماتى بولعان جاعدايدا بالا: قازاقستان رەسپۋبليكاسىنىڭ اۋماعىندا تۋسا; قازاقستان رەسپۋبليكاسىنان تىس جەردە تۋسا, بىراق, اتا-اناسىنىڭ نەمەسە ولاردىڭ بىرەۋىنىڭ بۇل كەزدە قازاقستان رەسپۋبليكاسى تەرريتورياسىندا تۇراقتى تۇرعىلىقتى جەرى بولسا, ول قازاقستان رەسپۋبليكاسىنىڭ ازاماتى بولىپ تابىلادى. اتا-اناسىنىڭ ازاماتتىعى ءارتۇرلى بولىپ, بالا تۋعان كەزدە ولاردىڭ بىرەۋى قازاقستان رەسپۋبليكاسىنىڭ ازاماتى بولعان جاعدايدا, ەگەر وسى كەزدە اتا-اناسىنىڭ ەكەۋىنىڭ دە قازاقستان رەسپۋبليكاسىنان تىس جەردە تۇراقتى تۇرعىلىقتى جەرى بولسا, قازاقستان رەسپۋبليكاسىنان تىس جەردە تۋعان بالانىڭ ازاماتتىعى اتا-اناسىنىڭ جازباشا تۇردە بىلدىرگەن كەلىسىمى بويىنشا انىقتالادى. بالا تۋعان كەزدە اتا-اناسىنىڭ بىرەۋى قازاقستان رەسپۋبليكاسى ازاماتتىعىندا بولىپ, ال ەكىنشىسى ازاماتتىعى جوق ادام بولسا, نە ونىڭ ازاماتتىعى بەلگىسىز بولسا, بالا قاي جەردە تۋعانىنا قاراماستان قازاقستان رەسپۋبليكاسىنىڭ ازاماتى بولىپ تابىلادى. بالانىڭ اناسى ازاماتتىعى جوق ادام بولىپ, ال اكەسى قازاقستان رەسپۋبليكاسىنىڭ ازاماتى دەپ تانىلىپ, اكەلىگى انىقتالعان رەتتە 14 جاسقا تولماعان بالا قاي جەردە تۋعانىنا قاراماستان قازاقستان رەسپۋبليكاسىنىڭ ازاماتى بولادى. بۇل بالا قازاقستان رەسپۋبليكاسىنان تىس جەرلەردە تۇراقتى تۇرعان رەتتە ونىڭ ازاماتتىعى اتا-اناسىنىڭ جازباشا ارىزى بويىنشا انىقتالادى اتا-انالارى بالانىڭ ازاماتتىعى تۋرالى كەلىسىمگە كەلمەگەن جاعدايدا, ازاماتتىق سوت تارتىبىندە انىقتالادى. اتا-اناسى بەلگىسىز بالانىڭ ازاماتتىعى اتا-اناسىنىڭ ەكەۋى دە بەلگىسىز قازاقستان رەسپۋبليكاسى تەرريتورياسىنداعى بالا قازاقستان رەسپۋبليكاسىنىڭ ازاماتى بولىپ تابىلادى. ازاماتتىعى جوق ادامداردىڭ بالاسىنىڭ قازاقستان رەسپۋبليكاسى ازاماتتىعىن الۋى قازاقستان رەسپۋبليكاسىنىڭ اۋماعىندا تۇراقتى تۇراتىن جەرى بار, ازاماتتىعى جوق ادامداردىڭ قازاقستان رەسپۋبليكاسىنىڭ اۋماعىندا تۋعان بالاسى قازاقستان رەسپۋبليكاسىنىڭ ازاماتى بولىپ تابىلادى.