جاڭالىقتار
«بالاڭىزدى بالاباقشاعا ورنالاستىرامىن»: الاياق اتا-انالاردى الداپ, 1 ملن تەڭگە العان
كۇدىكتى بالاسىن بالاباقشاعا ورنالاستىرۋعا ۇمىتتەنگەن ونداعان اتا-انانى الداپ, ولاردىڭ اقشاسىن يەمدەنگەن, دەپ حابارلايدى Qandastar.kz اقپارات پورتالى.
ول ءوز قۇرباندارىن 2گيس ءموبيلدى قوسىمشاسىنداعى «پىكىرلەر» بولىمىنەن تاپقان, وندا اتا-انالار بالالارىن مەملەكەتتىك مەكتەپكە دەيىنگى ۇيىمدارعا قابىلداۋعا كومەكتەسۋ تۋرالى وتىنىشتەرىن قالدىرعان. وسىنداي حابارلامالاردى كورىپ, ول اتا-انالارمەن بايلانىسقا شىعىپ, ءوزىن «دەلدال» رەتىندە تانىستىرىپ, سىياقى ءۇشىن «Indigo24.kz» جۇيەسى ارقىلى بالاباقشاعا ورنالاستىرۋعا كومەكتەسەتىنىن ايتقان.
قاراجاتتى العان سوڭ, جاسىرىنعان. 30-دان استام الاياقتىق فاكتىسى انىقتالىپ, كەلتىرىلگەن جالپى شىعىن 1 ملن تەڭگەدەن اسقانى بەلگىلى بولدى.
سوتتا ايەل ءوز كىناسىن مويىنداپ, وكىنەتىنىن ءبىلدىردى جانە جابىرلەنۋشىلەرگە كەلتىرىلگەن شىعىنداردى جارتىلاي قايتاردى, قالعان شىعىن ودان ءوندىرىلدى. جەڭىلدەتەتىن ءمان-جايلاردى ەسكەرە وتىرىپ, سوت وعان 4 جىل مەرزىمگە پروباتسيالىق باقىلاۋمەن بوستاندىقتى شەكتەۋ جازاسىن تاعايىندادى.
