«Balańyzdy balabaqshaǵa ornalastyramyn»: Alaıaq ata-analardy aldap, 1 mln teńge alǵan

Kúdikti balasyn balabaqshaǵa ornalastyrýǵa úmittengen ondaǵan ata-anany aldap, olardyń aqshasyn ıemdengen, dep habarlaıdy Qandastar.kz aqparat portaly.

Ol óz qurbandaryn 2GIS mobıldi qosymshasyndaǵy «Pikirler» bóliminen tapqan, onda ata-analar balalaryn memlekettik mektepke deıingi uıymdarǵa qabyldaýǵa kómektesý týraly ótinishterin qaldyrǵan. Osyndaı habarlamalardy kórip, ol ata-analarmen baılanysqa shyǵyp, ózin «deldal» retinde tanystyryp, syıaqy úshin «Indigo24.kz» júıesi arqyly balabaqshaǵa ornalastyrýǵa kómektesetinin aıtqan.

Qarajatty alǵan soń, jasyrynǵan. 30-dan astam alaıaqtyq faktisi anyqtalyp, keltirilgen jalpy shyǵyn 1 mln teńgeden asqany belgili boldy.

Sotta áıel óz kinásin moıyndap, ókinetinin bildirdi jáne jábirlenýshilerge keltirilgen shyǵyndardy jartylaı qaıtardy, qalǵan shyǵyn odan óndirildi. Jeńildetetin mán-jaılardy eskere otyryp, sot oǵan 4 jyl merzimge probaııalyq baqylaýmen bostandyqty shekteý jazasyn taǵaıyndady.