«بالاسىمەن وسى پاتەر ءۇشىن سوتتاسقان»: جۇمىسشىلارىنا ءۇي تاراتقان تۇرسىن الاگوزوۆ سىنعا قالدى

تانىمال پروديۋسەر بايان الاگوزوۆانىڭ كۇيەۋى تۇرسىن الاگوزوۆ قول استىنداعى جۇمىسشىلارىنا 100 پاتەردىڭ كىلتىن تابىستاعان ەدى, دەپ حابارلايدى qandastar.kz

بايان ماقساتقىزىنىڭ كۇيەۋى, كوپشىلىككە تانىمال «ماكسي» شاي ءونىمىنىڭ يەسى تۇرسىن الاگوزوۆكە بۇل يدەيا 2024 جىلى كەلگەن ەكەن. ونىڭ نەگىزگى ءمانى  20 جىل بويى كاسىپكەرمەن بىرگە ەڭبەك ەتكەن ءارى ۇجىمدا اۋىر جۇمىس ىستەيتىن ازاماتتارعا باسپانا بەرۋ بولعان.

جەلى قولدانۋشىلارى كوپشىلىگى كاسىپكەردىڭ بۇل ارەكەتىن زور ىلتيپاتپەن قابىلدادى. الايدا تەرىس پىكىرلەر جازعاندار دا تابىلدى.

«قۇتتى بولسىن», «وسىنداي كاسىپكەر بولۋدى جازسىن», «ءبىزدىڭ ەلدەن مىناداي ازامات شىققانى ماقتانارلىق», «بۇرىن تۋعان ۇلىمەن وسى پاتەر ءۇشىن سوتتاسىپ ەدى», — دەپ جازدى جەلى قولدانۋشىلارى.

Skifnews.kz اقپارات پورتالى جازعانداي, تۇرسىن الاگوزوۆتىڭ اتىنا بالاسى ارسەن الاگوزوۆتەن ارىز ءتۇستى. ارسەن الاگوزوۆ اكەسى مەن ونىمەن بىرگە تۇرىپ جاتقانداردى ۇيىنەن قۋىپ شىعۋدى قالايتىنىن جازعان.