«بالاسىن تۇرمەدەن جارياعا جار سالىپ كۇتىپ الۋ – ماسقارا!»: زاڭگەر قايرات نۇرتاستىڭ اناسىن ابدەن سىنادى

بەلگىلى ءانشى قايرات نۇرتاس ۇشاقتاعى شۋعا بايلانىستى 15 تاۋلىك تەمىر توردا وتىرىپ شىقتى. ونىڭ قاماۋدا وتىرعان كەزدە اناسى گۇلزيرا ايداربەكوۆا الەۋمەتتىك جەلىدە بالاسىنا ساعىنىپ جۇرگەنى تۋرالى ءجيى پوست, ۆيدەو سالعان ەدى. ەندى ەلىمىزگە تانىمال زاڭگەر ايگۇل ورىنبەك قايرات نۇرتاستىڭ اناسىنىڭ ارەكەتىن سىناپ, پىكىر ءبىلدىردى, دەپ حابارلايدى Skifnews.kz اقپارات پورتالى.

ونىڭ پايىمداۋىنشا, ەلدىڭ الدىندا جۇرگەن جۇلدىزدار ءبىرىنشى تارتىپكە باعىنۋ كەرەك!

«ماماسىنىڭ بالاسى دەسە, ءمان بەرمەيتىن ەدىم, اينالدىرعان 15 كۇندى,  ون بەس جىل العانداي جوقتادى! بالاسى كىناسىز بولسا ماقۇل ەكەن, ەل الدىندا جۇرگەن جۇلدىز ءىشىپ الىپ توبەلەسۋ – ول قوعامدىق  ورتادا تىنىشتىقتى بۇزۋ! جاس بولسا ماقۇل ەكەن جاستىقپەن جاسادى عوي دەيتىن, جاسى قىرىققا كەلگەن بالاسىنىڭ  ءىس ارەكەتىن كۇندە الەۋمەتتىك جەلى ارقىلى جىرلاپ وتىرۋ, بۇل ەندى بارىپ تۇرعان ناداندىق!

زاڭ ۇستەمدىگىن ورناتقىمىز كەلسە, ەلدىڭ الدىندا جۇرگەن جۇلدىزدار ءبىرىنشى تارتىپكە باعىنۋ كەرەك! بيلىكتەگى كوكەلەردىڭ  الدىندا سايراپ ءجۇرمىز,  «كرىشالار قۇتقارىپ قالادى» دەگەن تۇسۇنىكتى جويۋ كەرەك!

قانشاما جاس جىگىتتەر جازىقسىز 10-15 جىلدى ارقالاپ كەتىپ جاتىر!

جۋرناليستەر! ادىلەتسىزدىككە تاپ بولىپ شىرىلداعان انالاردىڭ جان ايقايىن ءدال وسىلاي شىعارساڭدار عوي شىركىن! «بالامنىڭ ءىس ارەكەتى دۇرىس ەمەس, بۇل وتباسىمىزعا مەنىڭ جاساعان جۇمىسىما ۇلكەن سىن» دەپ بۇل تاقىرىپتى سول كەزدە جابۋ كەرەك ەدى! الايدا, بالاسىنان باتىر جاساپ, ونى اقتاپ قايتا-قايتا مەن انامىن دەپ ەمىرەنە بەرۋ بالانىڭ جاساعان زاڭ بۇزۋشىلىعىن قولداۋ! بالاسى ەلىن قورعاپ سوعىسقا  بارىپ كەلسە, قوعامداعى جەمقورلىقپەن كۇرەسىپ جۇرسە مەيلى ەكەن,  ونى تۇرمەدەن جارياعا جار سالىپ كۇتىپ الۋ – بۇل ەندى ماسقارا! قىرىققا كەلىپ ءوزى جاساعان ىسىنە ءوزى جاۋاپ بەرە الماي اناسىن ارالاستىرۋ, بۇل – ۇيات!

بۇل ءبىزدىڭ قوعامدا – ءالسىز ماماسىنىڭ بالالارى كوبەيىپ كەتكەندىگىنىڭ ايقىن كورىنىسى! مەنىمەن كەلىسپەي  «ول انا بالاسىن  ارينە قورعايدى» دەيتىن شىعارسىزدار!

بالام ەكەن دەپ بارلىق جەرگە مۇرنىن سۇعا بەرۋ, بالانىڭ كەلەسى قىلمىسقا جول اشۋىنا مۇمكىندىك بەرۋ! ەركەك –  ەركەكشە شەشىم قابىلداپ,  جاۋاپكەرشىلىكتى موينىنا الاتىن ۋاقىتتى,  وزىنە قالدىرۋ كەرەك! قازىرگى ۋاقىتتا زاڭدى كوبىنەسە ماماسىنىڭ ەتەگىنەن شىعا المايتىندار بۇزىپ جاتىر!», – دەپ جازدى ول الەۋمەتتىك جەلىدەگى پاراقشاسىندا.