جاڭالىقتار
بالقاش كولىن ساقتاۋ: قازاقستان قىتايمەن قانداي مامىلەگە وتىرماق?
فوتو: kazaknews.kz
قازاقستان مەن قىتاي ەكى ەل اراسىنداعى ترانسشەكارالىق وزەندەردىڭ سۋىن ءبولۋ ماسەلەسى بويىنشا ۇكىمەتارالىق كەلىسىم جوباسىن ازىرلەپ جاتىر. بۇل تۋرالى 2024 جىلعى 19 تامىزدا قر سۋ رەسۋرستارى جانە يرريگاتسيا مينيسترلىگى مالىمدەدى, دەپ حابارلايدى qandastar.kz Zakon.kz-كە سىلتەمە جاساپ.
ەكى مەملەكەتتىڭ ماماندارى كىرەتىن بىرلەسكەن جۇمىس توبى قۇجاتتى ازىرلەۋمەن اينالىسادى. كەلىسىم جاساۋداعى نەگىزگى مىندەت بالقاش كولىن قالىپتى دەڭگەيدە ساقتاۋعا كەپىلدىك بەرەتىن سۋ كولەمىنىڭ ءتۇسۋىن قامتاماسىز ەتۋ بولىپ تابىلادى.
«مينيسترلىك بالقاش كولىن قاجەتتى سۋ كولەمىمەن قامتاماسىز ەتۋگە ۇلكەن كوڭىل بولەدى. جىل باسىنان كولگە 12 ملرد تەكشە مەتردەن استام سۋ جىبەرىلدى», — دەدى سۋ رەسۋرستارى جانە يرريگاتسيا مينيسترلىگىنىڭ رەسمي وكىلى ءمولدىر ابدۋاليەۆا.
2024 جىلعى 20 مامىردا بالقاش كولىندەگى سۋ دەڭگەيى تاعى 8 سم-گە ارتقانى بەلگىلى بولدى.
