Balqash mańynda jantúrshigerlik jol apatynan 7 adam til tartpaı ketti

Olar oqıǵa ornynda kólikte tirideı janyp ketken, dep habarlaıdy Qandastar.kz.

5 shilde kúni Kia Sedona kóliginiń júrgizýshisi Balqash qalasyna qaraı bet alyp bara jatyp, Aqshataý aýylyna jetpeı, aldyńǵy kólikterdi basyp ozý kezinde jol belgilerin elemeı, jol jóndeý jumystary júrgizilip jatqan ýchaskege, keıin krıvolıneıli tosqaýylǵa soǵylǵan.

Qatty soqqydan keıin kólik órtenip ketken.

«Aldyn ala derekter boıynsha, 7 jolaýshy oqıǵa ornynda qaza tapty. Júrgizýshi men taǵy bir jolaýshy medıınalyq mekemege jetkizildi», – dedi Qaraǵandy oblystyq Polıııa departamenti anyqtaý basqarmasynyń bastyǵy Azamat Ahmetov.

Atalǵan fakti boıynsha qylmystyq is qozǵalyp, oqıǵanyń barlyq mán-jaıyn anyqtaý úshin tergeý amaldary júrgizilip jatyr.