Balqashta Naýryz kezinde túıe adamdy taptap ketti

Foto: skrın

Balqash qalasynda Naýryz meıramy kezinde kútpegen jaǵdaı boldy. Merekelik alańda túıe kenetten júgirip, sekire bastaǵan, dep habarlaıdy qandastar.kz

Janýardy toqtatpaq bolǵan júrgizýshi túıeniń tabanynyń astyna qulap, keıin tirkemeniń dóńgelekteri basyp ketken.

Kýágerlerdiń aıtýynsha, alańda júrgen turǵyndar balalaryn qaýipsiz jerge alyp ketýge asyqqan. Zardap shekken er adam tiri, biraq onyń jaraqatynyń aýyrlyǵy áli belgisiz.

Qalalyq polıııa departamenti bul oqıǵaǵa qatysty túsinikteme berdi:

«Balqash qalasynyń turǵyny, túıe ıesi aýyl sharýashylyǵy janýarlaryn jaıý jáne abattandyrý erejelerin buzǵany úshin QR ÁQBtK-niń 505-babynyń 1-bóligi jáne 408-babynyń 1-bóligi boıynsha ákimshilik jaýapkershilikke tartyldy», – dep habarlady vedomstvo.