الەۋمەت جانە قوعامجاڭالىقتار
بالقاشتا جىل سوڭىنا دەيىن ءۇش جاڭا دەمالىس ايماعى سالىنادى
فوتو: El.kz
بالقاش جولىندا ءدامحانا, سۋپەرماركەت, تەحنيكالىق قىزمەت كورسەتۋ سەرۆيسى, جانارماي قۇيۋ بەكەتتەرىن جانە جول بويىنداعى باسقا دا قىزمەت كورسەتۋ نىساندارىن سالۋ جوسپارلانىپ وتىر. بۇل تۋرالى قاراعاندى وبلىسىنىڭ اكىمدىگى مالىمدەدى, دەپ حابارلايدى Qandastar.kz.
اكىمدىك بالقاشتا جاعالاۋدى اباتتاندىرۋ جانە قالالىق جاعاجايدى جاڭعىرتۋ جۇمىستارى جۇرگىزىلەتىنىن اتاپ ءوتتى.
جىل سوڭىنا دەيىن ءۇش جاڭا دەمالىس ايماعى سالىنادى. بيىل ەكى دەمالىس ايماعى مەن ءبىر قوناق ءۇي سالىنعان بولاتىن.
قالادا سۋ قۇبىرى جەلىلەرى, تەمىرجول ۆوكزالى مەن اۋەجاي جوندەلىپ جاتىر.
مەملەكەت باسشىسى حالىقتان كەلىپ تۇسكەن كوپتەگەن شاعىمعا بايلانىستى تۋريستىك ايماقتاردىڭ دەمالۋشىلاردى قارسى الۋعا دايىندىعى تومەن دەپ سىناعان بولاتىن.
ۇكىمەتكە قىسقا مەرزىم ىشىندە ەلدەگى بارلىق تۋريستىك باعىتتىڭ جاعدايىن رەتكە كەلتىرىپ, ولقىلىق جىبەرگەن لاۋازىمدى تۇلعالاردى جاۋاپكەرشىلىككە تارتۋدى تاپسىردى.
