Balqashta jyl sońyna deıin úsh jańa demalys aımaǵy salynady

Foto: El.kz

Balqash jolynda dámhana, sýpermarket, tehnıkalyq qyzmet kórsetý servısi, janarmaı quıý beketterin jáne jol boıyndaǵy basqa da qyzmet kórsetý nysandaryn salý josparlanyp otyr. Bul týraly Qaraǵandy oblysynyń ákimdigi málimdedi, dep habarlaıdy Qandastar.kz.  

Ákimdik Balqashta jaǵalaýdy abattandyrý jáne qalalyq jaǵajaıdy jańǵyrtý jumystary júrgiziletinin atap ótti.

Jyl sońyna deıin úsh jańa demalys aımaǵy salynady. Bıyl eki demalys aımaǵy men bir qonaq úı salynǵan bolatyn.

Qalada sý qubyry jelileri, temirjol vokzaly men áýejaı jóndelip jatyr.

Memleket basshysy halyqtan kelip túsken kóptegen shaǵymǵa baılanysty týrıstik aımaqtardyń demalýshylardy qarsy alýǵa daıyndyǵy tómen dep synaǵan bolatyn.

Úkimetke qysqa merzim ishinde eldegi barlyq týrıstik baǵyttyń jaǵdaıyn retke keltirip, olqylyq jibergen laýazymdy tulǵalardy jaýapkershilikke tartýdy tapsyrdy.