«Balkonnan tómen salbyratyp, ómirine qaýip tóndirgen». Jelide ákesiniń týǵan qyzyn «jelbiretkenine» qatysty kadr tarady

Batys Qazaqstan oblysynda polıııa qyzmetkerleri er adamnyń kishkentaı qyzdy qolynan ustap, balkonnan tómen túsirip jatqan sáti beınelengen jazbany anyqtaǵan, dep habarlaıdy qandastar.kz

Jantúrshigerlik vıdeo 17 shildede zhaloba_uralsk_official paraqshasynda jarııalanǵan. Quqyq qorǵaý organdary er adamnyń jeke basyn dereý anyqtaǵan, ol balanyń týǵan ákesi bolyp shyqty. Bul jaıly Massaget «Nadejda» gazetine silteme jasap jazdy.

«Onymen profılaktıkalyq áńgime júrgizildi, qazir zańnamaǵa sáıkes jaýapkershilikke tartý máselesi qarastyrylyp jatyr. Eskerte keteıik, balanyń ómiri men densaýlyǵyna qaýip tóndiretin kez kelgen áreket orny tolmas qaıǵyǵa ákelýi múmkin. Ata-analardy muqııat bolýǵa jáne mundaı qaýipti ári jaýapsyz qylyqtarǵa jol bermeýge shaqyramyz», – delingen oblystyq polıııanyń resmı habarlamasynda.

Bul oqıǵaǵa BQO-daǵy bala quqyqtary jónindegi ýákil Shattyq Útebalıeva da pikir bildirdi. Onyń aıtýynsha, bul jaǵdaı asa úlken alańdaýshylyq týdyryp otyr. Ata-ananyń mundaı áreketi — jaı ǵana orynsyz áreket emes, balanyń ómiri men densaýlyǵyna tóndirgen qaýip.

«Eresek adamnyń nıeti qandaı bolsa da, oınaý, jazalaý ne kúsh kórsetý áreketi bolsyn, mundaı jaǵdaı múlde durys emes. Bala qaýipsiz ári qorǵalǵan ortada ósýge tıis. Al ata-ana sol qaýipsizdiktiń basty kepili bolýy kerek», – dedi Shattyq Samatqyzy.

Bılik ókilderi mundaı jaıttarǵa qoǵamnyń beı-jaı qaramaýyn suraıdy. Balalardy tárbıeleýmen qatar, olardy qorǵaý — árbir eresek adamnyń mindeti.