«Baltamen uryp óltirmek boldy»: Tanymal bloger jigitinen kórgen qorlyǵyn aıtyp berdi

Bloger Bota MIA burynǵy jigitinen kórgen qorlyǵyn aıtyp, jan syryn aqtardy. Aqbota Nuraqyn, jelide Bota MIA atymen tanymal bloger, óziniń aýyr ótken mahabbat hıkaıasymen bólisti, dep jazdy qandastar.kz

Ol “Taboo” baǵdarlamasynda qonaq bolyp, 19 jasynda psıhologııalyq jáne fızıkalyq zorlyq kórgenin aıtyp berdi, dep habarlaıdy turkystan.kz Skifnews.kz-ke silteme jasap.

Blogerdiń aıtýynsha, burynǵy súıiktisi oǵan birneshe ret qol kóterip, ómirine qaýip tóndirgen. Bir oqıǵada ol Talǵar qalasynda bıden sabaq berip júrgen kezde, jumysynan shyqqan sátinde burynǵy jigiti ony kólikke kúshtep otyrǵyzyp, ózenge aparǵan.

«Ol qara kólikpen kelip toqtady. Ishinen túse salyp, balta kóterdi. Dosy araǵa túsip, meni aman alyp qaldy. Biraq báribir kólikke kúshtep otyrǵyzyp, syrttaǵy ózenge alyp ketti. Sol sátte men ólimge daıyn boldym. Biraq dosy ony sabyrǵa shaqyryp, raıynan qaıtardy. Osylaısha bir ólimnen aman qaldym», – deıdi Aqbota.

Onyń aıtýynsha, jigit keıin keshirim surap, qaıta-qaıta kelýdi toqtatpaǵan.

«Keıin ol tizerlep turyp, keshirim surap keldi. Men “taǵy kelseń, polıııa shaqyramyn” dep eskerttim. Bir joly GAI qyzmetkeri kelip, ony alyp ketti. Sodan keıin ǵana tynyshtaldy. Osy oqıǵadan keıin uzaq ýaqyt boıy jigitterge senýden qaldym», – dedi bloger.

Aqbota bul jaǵdaıdy óziniń otbasyndaǵy mahabbat kórinisterimen baılanystyrdy.

«Ata-anamnyń arasyndaǵy qarym-qatynas óte jaqsy boldy dep aıta almaımyn. Sol sebepti men de durys mahabbatty kórmeı óstim», – deıdi ol.