جاڭالىقتار
بالىق وسىرۋشىلەرگە سۋبسيديا بەرىلەدى
فوتو: اشىق دەرەككوز
بالىق وسىرۋشىلەرگە سۋ تۇتىنۋ شىعىندارى ءۇشىن سۋبسيديا بەرىلۋى مۇمكىن. بۇل تۋرالى ماجىلىستە زاڭ جوباسىن تانىستىرعان اۋىل شارۋاشىلىعى ۆيتسە-ءمينيسترى امانعالي بەردالين ايتتى, دەپ جازدى qandastar.kz
سونداي-اق ۆيتسە-مينيستر سۋ ايدىندارىن بالىق وسىرۋشىلەرگە بەرۋدىڭ جاڭا ءتارتىبى قالاي ىسكە اساتىنىن ءتۇسىندىردى.
«زاڭ جوباسىندا سۋ ايدىندارىن كونكۋرستىق نەگىزدە جانە كونكۋرس راسىمدەرىن وتكىزبەي بەرۋ ءتارتىبى كوزدەلگەن. سۋ ايدىندارىن اۋكتسيوندىق ساۋدا-ساتتىق تاسىلىمەن ەلەكتروندىق پورتال ارقىلى كونكۋرستىق نەگىزدە جۇرگىزۋ ۇسىنىلادى. بۇل رەتتە, تور قورشامادا بالىق ءوسىرۋ شارۋاشىلىقتارىن قۇرۋ جونىندەگى ينۆەستيتسيالىق جوبالار ءۇشىن, ەگەر ينۆەستيتسيا سوماسى كەمىندە 150 مىڭ ايلىق ەسەپتىك كورسەتكىش كولەمىندە بولسا, حالىقارالىق جانە رەسپۋبليكالىق ماڭىزى بار سۋ ايدىندارىن كونكۋرس وتكىزبەي بەرۋ ۇسىنىلادى. بۇگىندە بۇل سوما شامامەن 550 ملن تەڭگە بولادى», – دەدى بەردالين.
