Qarjy jáne tólemder
Bank qyzmetkeri klıentterdiń atynan 60 mıllıon rásimdegen
Foto: ashyq derekkóz
Bank qyzmetkeri klıentterdiń atynan jalpy 60 mıllıon teńge kóleminde nesıe rásimdep, aqshany dostaryna jibergen, – dep habarlaıdy qandastar.kz.
Qazaqstannyń bas prokýratýrasy asa iri alaıaqtyq jasady degen taǵy bir kúdiktini Reseıden ekstradıııalady.
Vedomstvonyń málimetinshe, kúdikti 2019-2022 jyldar aralyǵynda Taraz qalasyndaǵy bank fılıalynyń qyzmetkeri bolyp jumys istegen. Sóıtip bank klıentteriniń atynan nesıe rásimdegen.
«Bank klıentteriniń shottaryna qol jetkizgen kúdikti qarajatty dostarynyń esepshotyna aýdaryp, keıin ony qolma-qol aqshaǵa aınaldyrǵan. Qylmystyq áreketter nátıjesinde bank klıentterine 60 mıllıon teńge kóleminde zalal keltirgeni belgili boldy. Qylmys jasaǵannan keıin kúdikti jasyrynyp, oǵan halyqaralyq izdeý jarııalandy», – delingen habarlamada.
Kúdikti bıyl sáýir aıynda Krasnodar ólkesiniń aýmaǵynda ustaldy. Sóıtip elimizdiń Bas prokýratýrasynyń suraýymen Qazaqstanǵa ekstradıııalandy. Qazir kúdikti ýaqytsha ustaý ızolıatoryna qamaldy.
Qylmys úshin onyń múlki tárkilendi. Kúdikti bes jyldan on jylǵa deıingi merzimge bas bostandyǵynan aıyrylýy múmkin.
