بانكروتتىققا ءوتىنىشتى ەڭ كوپ قاي ءوڭىر بەردى?

فوتو: اشىق دەرەككوز

قارجى مينيسترلىگى مەملەكەتتىك كىرىستەر كوميتەتى توراعاسىنىڭ ورىنباسارى سەيىلجان احمەتوۆتىڭ مالىمەتىنشە, بانكروتتىققا وتىنىشتەردىڭ ەڭ كوپ سانى الماتى وبلىسىندا تىركەلگەن, دەپ حابارلايدى qandastar.kz

ونىڭ سانى  – 23 640 ءوتىنىش. بۇل رەسپۋبليكا بويىنشا بارلىق وتىنىشتەردىڭ 11,8%-ى. ەڭ از ءوتىنىش ۇلىتاۋ وبلىسىندا – 1 924 (1%). بۇل تۋرالى سەيىلجان احمەتوۆ ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا مالىمدەدى.

بانكروتتاردىڭ ورتاشا جاسى – 44 جاس. ەڭ جاسى ۇلكەن بانكروت – 1943 جىلى تۋعان شىمكەنت قالاسىنىڭ تۇرعىنى, ونىڭ بەرەشەگى 370 مىڭ تەڭگە. ال ەڭ جاس بانكروت – 2005 جىلى تۋعان استانا قالاسىنىڭ تۇرعىنى, ونىڭ بەرەشەگى 856 مىڭ تەڭگە. بەرەشەگى ەڭ كوپ بانكروت استانا قالاسىنىڭ تۇرعىنى, ونىڭ قارىز سوماسى 2,1 ملرد تەڭگەگە جەتكەن.

بانكروت دەپ تانىلعان ازاماتتاردىڭ ىشىندە 1 000-نان استامى (5%) مەملەكەتتىك اتاۋلى الەۋمەتتىك كومەك الۋشىلار, ال 9 891 ادامنىڭ (44%) قارىزدارى 5 جىلدان استام ۋاقىت بويى وتەلمەگەن.