بانكتەر قوستاناي وبلىسىنىڭ شارۋالارىنا نەسيە بەرگىسى كەلمەيدى

قوستاناي وبلىسىنىڭ اۋىلشارۋاشىلىق تەحنيكا پاركى ابدەن ەسكىرگەن. بىلتىر نەبارى 3-4 پروتسەنتى جاڭارتىلدى. بۇل ماسەلە اسىرەسە ءوڭىردىڭ وڭتۇستىك اۋداندارىندا وزەكتى. سەبەبى قارجى ينستيتۋتتارى ەگىنشىلىك تيىمدىلىگى تومەن ايماقتارعا تەحنيكا الۋعا جەڭىلدەتىلگەن نەسيە بەرگىسى جوق.

سونىڭ كەسىرىنەن بىرنەشە جىل مەملەكەت قولداۋىنان قۇر الاقان قالىپ وتىرمىز, دەيدى شارۋالار. جىتىقارا اۋدانىندا اعايىندى اعاتاەۆتاردىڭ ارقايسىسىنىڭ جەكە شارۋاشىلىعى بار. ءبىرى ەگىنشىلىكپەن اينالىسسا, ەندى ءبىرى اسىل تۇقىمدى مال ءوسىرىپ وتىر. بارلىعىنىڭ ەسەپ-قيسابىن جۇرگىزەتىن كىشى قارىنداسى دينارا. ول ەلەكتروندىق قۇجات اينالىم جۇيەسىن جەتىك بىلەدى. مەملەكەتتىك قولداۋدىڭ تالاپ-شارتتارىمەن دە جاقسى تانىس. بىراق ەكى جىلدان بەرى تەحنيكا الۋعا جەڭىلدەتىلگەن نەسيەگە قول جەتكىزە الماي ءجۇر.  دينارا اعاتاەۆا, شارۋا: — جىتىقارا اۋدانىنىڭ ستاتيستيكاسىنا قاراعاندا سەگىز تسەنتنەر كورسەتتى. ال بىزدە 16 بولدى مىسالى. سوعان ايتادى «سىزدىكى دۇرىس ەمەس سياقتى, ءسىز پرەۋۆەليچەننىي كورسەتىپ جاتىرسىز. وتدەل ريسكا جىبەرمەي جاتىر, نەگە دەگەندە, رەگلامەنت بار جىبەرمەۋ ءۇشىن» دەيدى.

وسىنداي ريسكوۆاننىي رايونداردى دەيدى. ءبىزدى زاچەم بۇكىل ەلمەن تەڭەستىرىپ, ول دۇرىس ەمەس قوي.  قارجى ينستيتۋتى ءوتىنىمدى قاراعاندا ءار شارۋاشىلىقتىڭ جەر كولەمى, ونىمدىلىگى, نەسيە تاريحى ەسكەرىلەتىنىن راستادى. بىراق بىزدە ەشقانداي الالاۋ جوق دەپ وتىر.  الىبەك قارايداروۆ, «كازاگروقارجى» اق وف ديرەكتورى: — ارينە ءبىر شارۋا قوجالىعى بۇكىل اۋدانعا جاۋاپ بەرە المايتىنىن تۇسىنەمىز. سوندىقتان ءبىز ءوتىنىشتى قاراستىرعاندا وبەكتيۆتى تۇردە قاراستىرامىز. ول اۋدانعا ورتاشا ءونىم عانا ەمەس, شارۋاشىلىق كورسەتكىشتەرى دە ەسەپتەلەدى.  قارجى ينستيتۋتى ارقىلى ليزينگكە بەرىلەتىن تەحنيكا قۇنىنىڭ 25 پروتسەنتىن مەملەكەت جابادى. قالعان بولىگىن التى پروتسەنت مولشەرلەمەمەن شارۋا ءوزى وتەۋگە ءتيىس. جاڭا تەحنيكا الۋدىڭ ەڭ ءبىر ءتيىمدى جولى وسى. بىراق سول جاردەمقارجى بارىنە بىردەي جەتپەيدى.  يبراگيم بەكمۇحامەدوۆ, اۋىل شارۋاشىلىعى باسقارماسىنىڭ باسشىسى: — قازىرگى كەزدە بىرتىندەپ تولەپ جاتىرمىز. ينۆەستيتسيالىق سۋبسيديا بويىنشا وتكەن اقپان ايىندا 4 ميلليارد تەنگە تولەندى. ناۋرىزدا تاعى 4 ميلليارد بەرەمىز. قولداعى بار قارجى بىلتىرعى سۋبسيا قارىزىن جابۋعا عانا جەتەدى. وسىنىڭ ءبارىن ەسكەرىپ, بيىل ينۆەستسۋبسيدياعا 10,6 ميلليارد تەڭگەگە بيۋدجەتتىك تاپسىرىس بەردىك.  وبلىستا بىلتىر ينۆەستيتسيالىق سۋبسيدياعا شامامەن جەتى مىڭ ادام تاپسىرىس بەردى.

سونىڭ 70 پروتسەنتى قابىلداندى. ال «قازاگروقارجى» وكىلدەرى دينارا اعىتاەۆا قايتا ءوتىنىش بەرسە, مۇقيات زەردەلەۋگە ۋادە ەتتى.