Bankter joǵary paıyzben bergen kredıtti der kezinde tólep otyrý múmkin emes – Amanjan Jamalov

Foto: ashyq derekkóz

Memleket basshysy Qasym-Jomart Toqaev «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Qazaqstan halqyna Joldaýynda ekonomıkany damytýǵa basa nazar aýdardy.

Joldaýda salyq, bank sektory, qordalanǵan qaryz, kredıt berý máselesi aıtyldy. Sondaı-aq bıznesti qoldaýǵa aıryqsha nazar aýdardy. Bul jaıynda ekonomıka ǵylymdarynyń doktory Amanjan Jamalov «Egemen Qazaqstan» gazetine bergen suhbatynda aıtty. Amanjan Jamalovtyń pikirinshe, bıznes ókilderine kredıt berý máselesin ońtaıly sheshý kerek.

«Qoljetimdi nesıeleý arqyly bıznesti qoldaý – ekonomıkalyq ósimniń qozǵaýshy kúshi. Naqty sektordy, ásirese shaǵyn jáne orta bıznesti damytý jańa jumys oryndaryn qurýǵa, salyqty arttyrýǵa, áleýmettik turaqtylyqty nyǵaıtýǵa múmkindik beredi.

Sońǵy jyldary bankter bızneske qaraǵanda, halyqqa joǵary paıyzben nesıe berýdi kúsheıtti. Sóıtip, teńsizdik týdy: azamattar tutynýshylyq nesıe qamytyn kıip jatsa, shaǵyn jáne orta bıznes qarjylandyrý boıynsha qıyndyqqa tap boldy. 14 paıyz deńgeıindegi joǵary bazalyq mól-sherleme kóptegen kásipkerge nesıe alýǵa múmkindik bermeıdi, sebebi mundaı qaryzdy der kezinde tólep otyrý tipti múmkin emes. Nátıjesinde, Úkimet bıznestiń qarjyǵa qol jetkizýin jeńildetý maqsatynda paıyzdyq mólsherlemeni sýbsıdııalaýǵa májbúr. Bul óz kezeginde Ulttyq banktiń bazalyq mólsherlemeni tómendetpeýine sebep. Mundaı tuıyq sheńberdi joıý kerek. Kásipker nesıeni qınalmaı alyp, qarajatyn óndiriske, ınnovaııaǵa jáne eksportqa sala alatyndaı jaǵdaı týǵyzýymyz qajet. Bul túıtkildi tarqatý úshin Úkimet pen Ulttyq bank ortaq sheshim taba alady dep senemin», – deıdi ekonomıka ǵylymdarynyń doktory Amanjan Jamalov.