بانكتەرگە قوسىمشا قۇن سالىعى سالىنسا, كليەنتتەرگە سالماق بولماق – Halyk Bank باسشىسى

فوتو: اشىق دەرەككوز

ءۇمىت شاياحمەتوۆا قارجىلىق قىزمەتتەرگە ەشقاشان سالىق سالىنباعانىن جانە سالۋدىڭ قاجەتى جوق ەكەنىن ايتتى, – دەپ جازادى qandastar.kz atamekenbusiness_qaz-عا سىلتەمە جاساپ. 

ء«بىز تۇپكىلىكتى ۇسىنىستاردى كورگەن جوقپىز. بىراق تۇزەتۋلەردىڭ ءبىرىنشى جوباسىندا بارلىق قارجىلىق قىزمەتتەرگە سالىق سالۋ ۇسىنىلدى. سودان كەيىن دەپوزيتتەر مەن نەسيەلەرگە سالىنبايدى دەدى. كەيىنىرەك سالىق تەك كوميسسيالىق بولادى دەپ حابارلاندى. مەنىڭ ويىمشا قارجىلىق قىزمەتتەر ەشقاشان ققس سالىنباعان جانە ولارعا سالىق سالۋدىڭ قاجەتى جوق, ويتكەنى بارلىق قوسىمشا سالىقتار كليەنتتەرگە اۋىرتپالىق تۇسىرەدى», – دەدى حالىق بانكىنىڭ باسشىسى ءۇمىت شاياحمەتوۆا.

وزدەرىڭىز بىلەسىزدەر, نەسيەلەر مەن دەپوزيتتەردى قوسپاعاندا, قارجىلىق قىزمەتتەرگە قوسىلعان قۇن سالىعىن (ققس) ەنگىزۋدى ۇسىناتىن جاڭا سالىق كودەكسى ازىرلەنۋدە. قۇجات جوباسىن جاساقتاۋشىلار سالىق سالىناتىن قىزمەت قۇنىنىڭ ايىرماشىلىعىن بانكتەر ءوز كىرىستەرىنەن وتەيدى دەپ ۇمىتتەنەدى.