«ءبارى «نا پوكاز», قۇران وقيتىن جەردە دە جۇرەدى»: التىناي جوراباەۆا ارىپتەستەرىن سىناپ تاستادى

قازاق ەستراداسىنىڭ جارىق جۇلدىزى التىناي جوراباەۆا توي-تومالاقتار مەن ءتۇرلى شارالارعا موبيلوگرافىمەن بىرگە باراتىن ونەردەگى ارىپتەستەرىن سىناپ تاستادى. ءانشى ءار قادامىن ءتۇسىرىپ جۇرەتىن جۇلدىزدارعا ەسكەرتۋ جاسادى, دەپ حابارلايدى Qandastar.kz  اقپارات پورتالى.

التىناي جوراباەۆا ۇنەمى موبيلوگرافىمەن جۇرەتىن ارىپتەستەرىنە Instagram-داعى پاراقشاسىندا ەسكەرتۋ جاسادى.

ونەر يەسى ءار قادامىن ۆيدەوعا ءتۇسىرىپ ءجۇرۋ سىرتتان جامان كورىنەتىنىن ايتتى.

«وسى موبيلوگرافپەن جۇرەتىن جاندار! قاتتى شەكتەن شىقپاڭىزدارشى, ءوتىنىش. قۇران وقيتىن جەر بولسىن, توي بولسىن. ۇنەمى بىرگە جۇرەدى. قوناققا بارساڭ ءتىپتى امانداسقانىڭا دەيىن, سىيلىق بەرگەنىنە دەيىن ءتۇسىرىپ جۇرەدى. جامان كورىنەدى. شىن ايتامىن. جەلىگە سالعاندا حالىققا بىلىنبەيدى. بىراق ءسىزدىڭ سولاي موبيلوگرافىڭىزبەن كىرىپ كەلگەنىڭىز سىرتتان جامان كورىنەدى. ءبارى «نا پوكاز» ءۇشىن ەكەنى جامان ءبىلىنىپ, سىرتتان جامان كورىنەدى. جارايدى, جۇمىسىڭىزدى, ونەرىڭىزدى جاساڭىز. ءتىپتى ارنايى بلوگەرلەردىڭ ءىس-شاراسى بولسا دا مەيلى. بىراق شەكتەن شىقپاڭىزدارشى. ارتىق ايتسام, كەشىرىم سۇرايمىن», — دەپ جازدى ءانشى.