«Bári «na pokaz», Quran oqıtyn jerde de júredi»: Altynaı Jorabaeva áriptesterin synap tastady

Qazaq estradasynyń jaryq juldyzy Altynaı Jorabaeva toı-tomalaqtar men túrli sharalarǵa mobılografymen birge baratyn ónerdegi áriptesterin synap tastady. Ánshi ár qadamyn túsirip júretin juldyzdarǵa eskertý jasady, dep habarlaıdy Qandastar.kz  aqparat portaly.

Altynaı Jorabaeva únemi mobılografymen júretin áriptesterine Instagram-daǵy paraqshasynda eskertý jasady.

О́ner ıesi ár qadamyn vıdeoǵa túsirip júrý syrttan jaman kórinetinin aıtty.

«Osy mobılografpen júretin jandar! Qatty shekten shyqpańyzdarshy, ótinish. Quran oqıtyn jer bolsyn, toı bolsyn. Únemi birge júredi. Qonaqqa barsań tipti amandasqanyńa deıin, syılyq bergenine deıin túsirip júredi. Jaman kórinedi. Shyn aıtamyn. Jelige salǵanda halyqqa bilinbeıdi. Biraq sizdiń solaı mobılografyńyzben kirip kelgenińiz syrttan jaman kórinedi. Bári «na pokaz» úshin ekeni jaman bilinip, syrttan jaman kórinedi. Jaraıdy, jumysyńyzdy, ónerińizdi jasańyz. Tipti arnaıy blogerlerdiń is-sharasy bolsa da meıli. Biraq shekten shyqpańyzdarshy. Artyq aıtsam, keshirim suraımyn», — dep jazdy ánshi.