«بارىنە اتۋ جازاسى…»: شەرزات ىسىندەگى ادۆوكات مالىمدەمە جاسادى

فوتو: Massaget.kz/بولات ايتمولدا

شەرزات بولات ءىسى بويىنشا ءوتىپ جاتقان سوت پروتسەسىندە ايىپتالۋشى ابزال شىناسىلدىڭ ادۆوكاتى جۇمات ابەنوۆ رەزونانستى مالىمدەمە جاسادى.

قازاق “كورپەڭە قاراي كوسىل” دەيدى. وكىنىشكە قاراي, ءبىزدىڭ حالىق مۇنى ءتۇسىنىپ جاتقان جوق. زاڭ جاقسى جازىلعان, بىراق ورىندالۋى مەن قولدانىلۋ جاعى اقساپ تۇر, – دەدى قورعاۋشى.

ادۆوكات قوعامداعى اگرەسسياعا نازار اۋدارتىپ, ونىڭ سوت پروتسەسىنە اسەر ەتىپ جاتقانىن دا مەڭزەدى:

كەيبىرى بارىنە بىردەي اتۋ جازاسىن سۇراپ وتىر. بۇل دۇرىس پا? ءبىز الدىمەن ناقتى دالەلگە سۇيەنۋىمىز كەرەك, – دەدى ول.

جۇمات ابەنوۆتىڭ ايتۋىنشا, ابزال شىناسىل توبەلەس باستالعان كەزدە وقيعا ورنىندا بولماعان, بۇل سوتتا ەسكەرىلمەي وتىر.

توبەلەس ابزال بارماي تۇرىپ باستالىپ كەتكەن. ءبىز ناقتى قاي پىشاقتان ادام قايتىس بولعانىن, قاي پىشاقتىڭ ەنگەنىن بۇگىنگە دەيىن انىقتادىق دەپ ايتا المايمىز, – دەدى ول.

قورعاۋشىنىڭ سوزىنشە, دالەل جەتىسپەي جاتقاندا ادامنىڭ تاعدىرىن شەشۋگە اسىعۋ — اۋىر قاتەلىك.

وسىنداي جەتىسپەۋشىلىك تۇرعاندا, ءبىر باۋىرىمىزدى تۇرمەگە جاۋىپ, ەكىنشىسىنەن ايىرىلىپ جاتساق – بۇل ادىلدىك ەمەس, بۇل ءبىزدىڭ قوعامدى ارتقا تارتادى, – دەپ تۇيىندەدى ادۆوكات.