جاڭالىقتار
بارلىعى لاس, اينالا ءناجىس: شىمكەنتتە تىل ارداگەرى سۇمدىق جاعدايدا ءومىر سۇرۋدە
«بارلىعى لاس پەن ناجىستە»: شىمكەنتتە تىل ەڭبەگىنىڭ ارداگەرى ادام توزگىسىز جاعدايدا ءومىر ءسۇرىپ جاتىر, دەپ حابارلايدى qandastar.kz سايتى.
الەۋمەتتىك جەلىدە تاراعان بەيناجازبادا ارداگەردىڭ انتيسانيتاريا جاعدايىندا تۇراتىنى بايقالادى. شىمكەنت قالاسىنىڭ تۇرعىنى ماريا پونوماريوۆا ەسىمدى تىل ارداگەرى قاريا وتە اۋىر جاعدايدا ءومىر ءسۇرىپ جاتقانى انىقتالدى.
تاراعان ۆيدەودا ونىڭ لاستانعان پاتەردە, جاندىكتەرمەن قورشالعان كۇيدە كۇن كەشىپ جاتقانى كورىنەدى.
ۆولونتەرلەردىڭ ايتۋىنشا, كەيۋانانىڭ زەينەتاقىسىن ءوز اتىنا راسىمدەگەن اپاسى بار, ول ماريانى قارتتار ۇيىنە ورنالاستىرۋدان باس تارتقان.
سونىمەن قاتار, ونىڭ قارت تۋىسىنا دۇرىس كۇتىم كورسەتپەيتىنى كوزگە كورىنىپ تۇر.
قوعامدا ۇلكەن نارازىلىق تۋعىزعان جايت — 9 مامىر قارساڭىندا ماريا پونوماريوۆاعا مەدال مەن اقشالاي كومەك تابىستالعانىمەن, ول قاراجاتتىڭ تىكەلەي وزىنە ەمەس, اپاسىنا بەرىلگەنى بولدى.
