«Barlyq jaǵdaıymyzdy jasap jatyr»: Shymkenttegi qarttar úıinde eki zeınetker shańyraq kóterdi

Shymkentte 70-ke jýyq qarııa qarttar úıinde turyp jatyr. Qarııalardyń biri Rahymqul Smadııarovtyń qarttar úıine ornalasqanyna bir jyldan asqan. Onyń aıtýynsha, munda kelgeli densaýlyǵy birshama jaqsarǵan. Osynda ekinshi jartysyn taýyp, otaý qurypty, dep habarlaıdy qandastar.kz aqparat portaly Ontustik TV telearnasyna silteme jasap.

«Basshymyzǵa, qyzmetkerlerge, medbıkelerge, aspazdarǵa alǵys aıtamyn. Barlyq jaǵdaıymyzdy jasap jatyr, jaqsy qaraıdy», – dedi Rahymqul Smadııarov.

Bul qarttar úıinde 68 qarııa bar. Olarǵa jeti baǵyt boıynsha 64 adam qyzmet kórsetedi.

«Múmkindiginshe bul kisilerdiń zerikpeýi úshin jumystar júrgizilip otyrady. Ájeler toqymamen aınalysatyn bolsa, atalarymyz syrttaǵy gúlderimizdi baptap, aǵashtarǵa kútim jasaıdy. Medıına qyzmetkeleri ata-apalarymyzdyń densaýlyǵyn jaqsartyp, birqalypty ustap otyrýǵa bar kúshin salyp jatyr», – deıdi áleýmettik qyzmetker Balsheker Sultanbekqyzy.

Qarttar úıinen pana tapqandardyń arasynda birinshi jáne ekinshi sanattaǵy múgedek jandar da bar. Olarǵa staıonarlyq jaǵdaıda kómek berilý barysynda keıbiri qolarbasyn tastap, aıaqqa turypty.